“Hajde kënaqemi që e hëngri Belinda, po nuk është ky parimi…”/ Debat mes analistëve për ndërhyrjen e amerikanëve në SPAK

Analistët Preç Zogaj, Andi Bushati dhe Ergys Mërtiri debatuan për hetimet e SPAK ndaj Belinda Ballukut. Andi Bushati u shpreh i skandalizuar nga ajo që deklaroi se prokurori i dosjes Balluku e mori të pandehur zv/kryeministren tre ditë pasi e takoi zv/ndihmës sekretari i Shtetit dhe se kjo është shumë e rëndë për një vend të pavarur. Por Mërtiri dhe Zogaj e kundërshtuan, duke vlerësuar ndihmën amerikane për reformën në drejtësi.

 Debati

Zogaj: Nuk ka më deklarata, ka diskrecion. SHBA nuk i mban dorën SPAK, por jep inkurajim dhe frut janë goditjet ndaj krimit. Dhe nëse nga ardhja e republikanëve është shtuar lufta kundër krimit, kjo është pozitive.

Bushati: Jo domosdoshmërisht.

Zogaj: I lëmë këto interesat lart e poshtë.

Bushati: Këtu si gazetar, unë s’i kam të konfirmuar se nuk kam qenë aty, por nga deputetë të PD-së që kanë qenë brenda. Legjenda urbane thotë se prokurori Prençi është trimëruar  nga vizita e zv.sekretarit amerikan të shtetit: japi gaz me Ballukun!.

Zogaj: Si jepi gaz? Janë legjenda urbane. S’ka tabu askush. Do të flas gjuhën e…

Bushati: Ne nuk do të vizatojmë amerikanët sipas filmave. Ai thotë kjo është dosja, pse nuk e ke marrë? Unë Amerikën dhe BE-në, bën keq edhe kur vepron në interesin tim. Unë mendoj se patjetër Balluku duhet hetuar dhe marrë e pandehur. Por nëse merret Balluku dhe Veliaj i pandehur duhet të vijë një kaubojs përtej dhe drejtësia paska nevojë për një kamzhik amerikan bythëve sa herë duhet të lëvizë, atëherë qenkemi një republikë bananesh. Dhe ata që të bëjnë këtë mund të bëjnë çdo gjë. Zv. Sekretari i shtetit është takuar kokë më kokë me prokurorin që mori të pandehurin Belinda Ballukun. Pse duhet që të takojë një prokuror që merr 3 ditë më pas shpall të pandehur zv.kryeministren shqiptare.

Rakipi: Nëse ndodh kjo, kjo s’ka b… ta mbajë Preç. Nëse ndodh kjo është e tmerrshme.  Pra ti e paske bërë drejtësinë e pavarur dhe vjen dhe hap zjarr ti me automatik për çdo njeri?

Bushati: Këtë që kanë bërë me Saliun. Po pranuam këtë standard…

Zogaj: Nëseka ndodh kështu nuk jemi koherent.

Mërtiri: Ata javë për javë i ke në SPAK.

Bushati: A shkoi në SPAK? Ç’punë ka një diplomat karriere të takojë prokurorë, kinez rus apo amerikan?

Mërtiri: Ç’punë ka SHBA që të mbështesë reformën në drejtësi?

Bushati: Jo për çështje të caktuara, jo prokurorë politikë.

Mërtiri: Këta që e kanë patur deri tani çfarë nuk kanë bërë.

Bushati: Ka edhe më. Kush e ka kërcënuar prokurorin, kush i ka shkuar në shtëpi. Këta prokurorët tanë qenkan edhe të përgjuar?

Zogaj: SHBA e kanë prodhuar këtë për të zgjidhur një problem.

Bushati: Jo ndërhyrje në dosje konkrete. Ndryshe jemi te ambasada sovjetike.

Zogaj: Unë them se janë inkurajuar. Janë bërë takime, inkurajohen shpeshherë prokurorët.

Bushati: Po s’kemi drejtësi pastaj.

Mërtiri: Po s’kemi patur drejtësi fare.

Zogaj: E di që ke 30 vetë aty në SPAK?

Bushati: Nuk dua të keqkuptohem se do të thonë se ka marrë Bushati lekë nga Belinda Balluku. Unë dua të jem koherent. Unë kam qenë kundër kur shpallën Saliun non grata.

Zogaj: Cilët kaubojs?

Bushati: Këta që shkonin në SPAK dhe thonin që non grata jonë të bëhet politike bëjani dosjen. Dhe ndërhyrjnë në dosjet konkrete: E duam Ballukun të pandehur. Është shumë mirë që u mor Balluku e pandehur, por një zv.sekretar shteti nuk guxon në një vend me minimum sovraniteti të ndërhyjë për dosje konkrete.