HARADINAJ KOALICION ME KURTIN/ Gogiç tregon për mekanizmin e fitores së LVV më 9 shkurt

Politologu Ognjen Gogiç vlerësoi se qëndrimi i opozitës në Kosovë nuk është i thjeshtë dhe se shkaqet nuk duhet të kërkohen vetëm në zhgënjimin e votuesve me ato parti, por edhe në faktin se kreu i Vetëvendosjes, Albin Kurti përdor populizmin, i cili në jetën politike shoqërohet gjithmonë me termin “konkurrencë e pandershme”.

“Gjithmone behen premtime të lehta që janë melodioze per veshet e degjuesve dhe qytetarët besojnë ato qe duan te dëgjojnë. Në të njëjtën kohë, Kurtit i ka ndihmuar edhe zhgënjimi që ekziston në Kosovë nga partite e opozites pasi ata nuk i kanë përmbushur pritshmerite e qytetarëve të Kosovës në periudhën e pasluftës” – ka deklaruar Gogic sipas te cilit, Albin Kurti nuk ka një rival të denjë në skenën politike, pasi ai ka nje sjellje politike nacionaliste radikale.

“Të gjitha krizat që Kurti ka orkestruar, për shembull në veri të Kosovës, në fund të fundit çojnë në homogjenizim dhe forcimin e kohezionit, dhe më pas qëndrimi i opozitës nuk është realisht i thjeshtë. Nëse kritikon politikën e Kurtit, rrezikon të etiketohesh si njeri i butë ndaj serbëve dhe Serbisë” – theksoi politologu

Nga ana tjetër, kujtoi Gogic, partitë opozitare kanë kaluar nëpër ndryshime të caktuara kadrovike dhe disa nga liderët e PDK-së kanë përfunduar në Hagë.

i bindur se ne zgjedhjet e 9 shkurtit, Partia Demokratike e Kosovës do te rivalizoje seriozisht Albin Kurtin, Gogic tha se kjo force politike eshte kërcënimi I vërtetë për Vetëvendosjen”. Por sipas tij, “Ata në fakt mund të zvogëlojnë vetëm mbështetjen që gëzon Vetëvendosja,”

“PDK eshtë partia e Hashim Thaçit dhe Thaçi është ndoshta rivali i vetëm më i rëndësishëm i Kurtit në jetën politike të Kosovës. Por Thaçi nuk është në Kosovë, ai po gjykohet për krime lufte” – deklaroi Gogic sipas te cilit, problem mbetet afrimi me LVV pas zgjedhjeve I Aleancës për Ardhmërinë e Kosovës i Ramush Haradinajt. Per te nuk do te ishte befasi nese keto dy forca politike bashkoheshin në një koalicion paszgjedhor.