Heshtja para stuhisë zien në Lindjen e Mesme, Izraeli mund të godasë Iranin në çdo kohë

Një heshtje e çuditshme e ka kapluar Lindjen e Mesme në orët e fundit, por kjo mund të sjellë zhurmën më të madhe të dëgjuar kohëve të fundit, në një rajon që zien nga konfliktet.

Izraeli mund të godasë me forcë të plotë Iranin!

Kështu qarkullojnë zërat në rrugë jozyrtare përmes kanaleve ushtarake të komunikimit dhe ato nuk janë pa bazë.

Diçka e çuditshme po ndodh dhe një seri lëvizjesh, të cilat nuk duken aspak rastësore, janë kryer.

Ja çfarë ndodhi në orët e fundit — dhe është shumë interesante:

1.Tregtia Detare e Mbretërisë së Bashkuar lëshoi ​​një paralajmërim të rrallë në lidhje me tensionet në rritje në Gjirin Persik, Ngushticën e Hormuzit dhe Gjirin e Omanit, duke përmendur përshkallëzim të mundshëm ushtarak, që mund të ndikojë drejtpërdrejt në transportin detar.

2. Ambasada e SHBA-ve në Irak po përgatitet për një evakuim të urdhëruar për shkak të kërcënimeve të sigurisë.
3. Departamenti i Shtetit po tërheq stafin jo-thelbësor dhe familjet nga Bahreini dhe Kuvajti.
4. Personat e varur nga ushtria amerikane në Bahrein janë autorizuar për largim të përkohshëm.
5. Të gjitha tanket amerikanë që kalojnë nëpër Gjirin Persik janë vënë në gatishmëri.

Asnjë nga këto lëvizje nuk erdhi nga Komanda e Forcave të Flotës, që do të thotë se kjo ka të ngjarë të ketë ardhur nga lart, ndoshta nga Shtëpia e Bardhë.

Diçka serioze po zhvillohet.

Barak Ravid, gazetari i njohur i Axios me burime dhe qasje të jashtëzakonshme në Shtëpinë e Bardhë dhe administratën amerikane ndan disa detaje.

Zyrtari i Departamentit të Shtetit më thotë: “Bazuar në analizën tonë të fundit (të sigurisë), vendosëm të zvogëlojmë ndikimin e Misionit tonë në Irak”.

Një konfirmim i asaj çfarë po ngjan dhe seriozitetit të situatës.

Përpos kësaj, lajmi i qarkulluar mbrëmjen e 10 qershorit.

Trump ka folur me Netanyahun. I ka thënë boll më me luftën në Gaza dhe i ka vendosur afat për marrjen e Rripit, ose tërheqjen nga Gaza.

Njëkohësisht, flitet se ka dhënë dritën jeshile për goditjen ndaj Iranit, sepse një akord për zhvillimin e potencialit bërthamor nuk po arrihet me Republikën Islamike.

Alerti vjen dhe nga vetë Irani.

Nëse negociatat bërthamore dështojnë dhe lind konflikt me Shtetet e Bashkuara, Irani do të sulmojë bazat amerikane në rajon, tha të mërkurën Ministri iranian i Mbrojtjes, Aziz Nasirzadeh, përpara një raundi të gjashtë të planifikuar të bisedimeve bërthamore Iran-SHBA.

“Disa zyrtarë nga pala tjetër kërcënojnë me konflikt nëse negociatat nuk japin rezultate. Nëse na imponohet një konflikt… të gjitha bazat amerikane janë brenda mundësive tona dhe ne do t’i shënjestrojmë ato me guxim në vendet pritëse”, tha Nasirzadeh gjatë një konference javore për shtyp.

Pra, është e qartë se nga brenda Lindjes së Mesme, ka një lloj “heshtjeje” të qetë dhe deklaratat po vijnë më së shumti nga jashtë.

Por, veprimet e dukshme po kryhen brenda dhe së shpejti, kjo stuhi e heshtur mund të kthehet në ferrin e radhës për rajonin.