Aktualitet
Hetimi për “21 Janarin”/ SPAK do të presë vendimin urdhërues të Gjykatës së Lartë
SPAK do presë vendimin e zbardhur të Gjykatës së Lartë për të regjistruar kallëzimin e Rajmonda Nikës e cila kërkon që ish kryeministri Sali Berisha, ish ministri i Brendshëm Lulzim Basha dhe Ndrea Prendi të hetohen si organizatorë të “21 janarit”
Së bashku me verdiktin SPAK pret të administrojë edhe fashikullin e rekursit që u shqyrtua në Gjykatën e Lartë përfshi vendimet e dy gjykatave që kishin konsideruar se çështja duhej hetuar nga prokuroria e Tiranës.
Mbas këtij momenti, ku do të kuptohen detyrat që kanë lënë gjyqtarët e lartë për prokurorët e posaçëm, do të vendoset nëse do të tërhiqet i gjithë fashikulli nën hetim pranë prokurorisë së kryeqytetit apo si fillim do të regjistrohet procedim vetëm ndaj ish funksionarëve që për shkak të cilësive të tyre janë subjekt i SPAK dhe më.
Rajmonda Nika bashkëshortja e Aleks Nikës trokiti gati një vit më parë në SPAK duke kërkuar angazhimin e prokurorëve të posaçëm në një kohë që prej 13 vitesh vijojnë të pazabardhur dy vrasje, ajo e Nikës dhe e Hekuran Dedës.
Për 21 janarin drejtësia ka shpallur fajtor Ndrea Prendin dhe Agim Llupon si autorë të vrasjes së Ziver Veizit dhe Faik Myrtaj. Nga ana tjetër Strasburgu ka urdhëruar gjithashtu hetime të gjithanshme të “21 janarit”.
Shpërdoruan detyrën, AMP pezullon nga puna 6 policë në Shkodër dhe Lezhë
Vr’asja e Martin Canit, qytetarët e Elbasanit bëjnë apel për sensibilizim
Ndryshime në kabinetin qeveritar, kush shkarkohet nga Rama
LAJMI I FUNDIT/ Kërcënohen me bombë disa nga të emëruarit e kabinetit të Donald Trump
“Kosova është Serbi”/ Të arrestuarit për mbishkrimin pjesëtarë të Ushtrisë së Malit të Zi
I gjenden lëndë shpërthyese brenda mjetit, arrestohet 56-vjeçari në pikën kufitare
Trump zgjedh gjeneralin në pension për të dërguarin special të luftës Rusi-Ukrainë
