Hipën mbi karrige dhe bllokuan seancën, përjashtohen 8 deputetët e PD (EMRAT)

Komisioni Etikës në Kuvend ka vendosur që të marrë parasysh kërkesën e dërguar nga Partia Socialiste për të përjashtuar disa deputetë të Partisë Demokratike. PS-ja dërgoi ankesë ditën e sotme, pasi deputetët e opozitës bllokuan në seancën plenare foltoren dhe miratimin e projektligjeve.

Sekretariati i Etikës ka përjashtuar për 10 ditë deputetët demokratë, Zheni Gjergji, Asllan Dogjani, Luan Baçi, Gazment Bardhi, Elda Hoti, Albana Vokshi, Bledion Nallbati dhe Lefter Gështenja. Opozita reagoi në këtë mënyrë ditën e djeshme për shkak të refuzimit të Partisë Socialiste për të ndryshuar Komisionin e Reformës Zgjedhore.