Holanda planifikon të heqë pozicionin jashtë loje në futbollin amator. Ja arsyeja…

HOLANDE – Federata Holandeze e Futbollit (KNVB) tha se heqja e pozicionit jashtë loje në rangun e amatorëve, ku nuk ka lidhje me KNVB, mund t’i japë fund kërcënimeve dhe dhunës në rritje në futbollin amator në vend.

Drejtori i KNVB, Jan Dirk Van Der Zee thotë se diçka duhet bërë për të zgjidhur problemin e zënkave për vendimet e arbitrave, pasi numri i ndeshjeve amatore të ndërprera për shkak të çrregullimit të lidhur me vendimet e kontestuara është rritur.

Sezonin e kaluar, 1.864 ndeshje u braktisën për shkak të incidenteve të dhunshme, me një rritje prej 11% në krahasim me sezonin e kaluar dhe 58% gjatë një periudhe pesëvjeçare.

“Është e vërtetë që kjo është një shifër relativisht e ulët në krahasim me rreth 780.000 ndeshje të luajtura çdo vit, por ne nuk do ta banalizojmë atë ”,- deklaroi z. Van Der Zee në një konferencë shtypi të mërkurën.

“Ne kemi një problem dhe duam ta zhdukim atë. Nuk e përjashtoj që një ditë t’i japim fund përdorimit të gjyqtarëve ndihmës”,- u tha ai gazetarëve.