Humb kontrollin e makinës dhe përplaset me pemën, ndërron jetë 33-vjeçari shqiptar

Një aksident tragjik i ka marrë jetën një 33-vjeçari shqiptar në Itali. Mediat italiane raportojnë se i riu shqiptar, i cili prej vitesh jetonte dhe punonte në shtetin fqinj, ka humbur kontrollin e makinës dhe është përplasur me një pemë.

Ngjarja ka ndodhur në fshatin Parantoro në Montalto Uffugo.

Si pasojë e përplasjes së fortë, ai ka humbur jetën në vend, ndërsa është dashur ndërhyrja e zjarrfikësve për ta nxjerrë trupin e tij nga makina.