Hungaria braktis BE-në, refuzon të japë një mesazh kritik ndaj Rusisë pas sulmeve të fundit: Mjaftë…

26 shtetet anëtare nënshkruan një deklaratë të përbashkët të paraqitur nga Përfaqësuesja e Lartë për Punët e Jashtme dhe Politikën e Sigurisë, Kaia Kallas, duke dënuar “natyrën e pamatur të sulmeve ruse dhe shpërfilljen e ligjit ndërkombëtar”.

Teksti nënvizon se “sulmet e qëllimshme kundër civilëve dhe objektivave jo-ushtarake përbëjnë krime lufte”, me paralajmërimin se “të gjithë komandantët, autorët dhe bashkëpunëtorët e këtyre shkeljeve të rënda të ligjit ndërkombëtar humanitar do të mbajnë përgjegjësi”.

Deklarata e 26 vendeve thekson se veprimet e fundit të Rusisë “përforcojnë vendosmërinë tonë për të mbështetur Ukrainën dhe popullin e saj në mbrojtjen e tyre kundër agresionit rus dhe në përpjekjet e tyre për një paqe gjithëpërfshirëse, të drejtë dhe të qëndrueshme”.

Në të njëjtën kohë, ata zotohen të “vazhdojnë dhe forcojnë” mbështetjen për Ukrainën, ndërsa njoftojnë se do të “përshpejtojnë procedurat për një paketë të re sanksionesh kundër Rusisë”.

Mesazhi përfundon me apelin: “Rusia duhet të ndalojë vrasjet dhe të tregojë një vullnet të vërtetë për paqe”.