I dënuar me 22 vite burg për vrasje! GJKKO i rrëzon kërkesën Altin Kodrës për të dalë nga ’41-biss’

–GJKKO ka rrëzuar kërkesën e Altin Kodrës për të dalë nga Regjimi i Posaçëm ’41-biss’. Kodra u izolua në regjimin 41 Bis më datë 16 dhjetor, ai u vendos në burgun e sigurisë së lartë për një afat prej 1 (një) viti, pranë IEVP-së Peqin.

Altin Kodra është dënuar me 22 vjet burgim me vendimin nr. 236, datë 10.06.2008, të Gjykatës së Rrethit Gjyqësor Shkodër, për kryerjen e veprave penale “Vrasje me dashje” dhe “Mbajtje pa leje të armëve luftarake”, parashikuar nga nenet 76 dhe 278/2 të Kodit Penal. Altin Kodra është dënuar për vrasjen e biznesmenit të tullave në qytetin e Shkodrës, Zamir Bilali.

Ngjarja ndodhi më 14 gusht të vitit 2006, pas një grindjeje mes Kodrës dhe Bilalit, fqinjë mes tyre.