I dënuar për trafik droge, arrestohet sipërmarrësi shqiptar

Një shqiptar banues në Forli është arrestuar ditën e djeshme nga autoritetet italiane, në ekzekutim të urdhrit të ndalimit të Prokurorisë Publike të Piacenza-s me dënim të përcaktuar me dhjetë vjet burgim. Shqiptari akuzohet si trafikant i lëndëve narkotike.

Ky i fundit, një sipërmarrës aktiv në sektorin e transportit rrugor, u arrestua në dhjetor 2020 policia italiane pasi iu gjet në zotërim mbi 43 kg kokainë, e fshehur në një ndarje të fshehur brenda një kamioni, shkruajnë mediat italiane.

Mëngjesin e datës 14.12.2020, gjatë një operacioni policor me qëllim parandalimin dhe shtypjen e trafikut të paligjshëm të drogës, në një zonë industriale të Piacenza në Itali, hetuesit kishin vënë re një kamion në dukje i braktisur.  Gjatë shërbimeve të vëzhgimit, ka rezultuar se një shtetas shqiptar, pasi ka hipur në mjet, ka nisur lëvizjen drejt autostradës A1 në drejtim të Bolonjës, ku u ndalua për hetime.

Duke qenë se personi nuk transportonte asnjë mall dhe nuk kishte mundësi të jepte arsyetimet adekuate për destinacionin, u vendos që të bëhet një kontroll më i thelluar i mjetit. Të nesërmen në mëngjes automjeti u dërgua në njësinë doganore të Portit të Ravenës për t’i nënshtruar kompleksit të automjeteve skanimin me rreze x, në Agjencinë e Doganave dhe Monopoleve.

Ekzaminimi instrumental evidentoi mospërputhje të vogla në pjesën e poshtme qendrore të rimorkios, aq sa pas grisjes së paneleve prej druri dhe metali, u shfaq prania e një sirtari të mbuluar me material bituminoz dhe alumin  të siguruara në mënyrë të përshtatshme duke modifikuar vetë strukturën origjinale të rimorkios, brenda së cilës u gjetën 3 (tre) qese plastike prej liri të ripërdorshme me 40 blloqe me një lëndë me ngjyrë të bardhë, e cila nga ekzaminimi narkotest rezultoi se ishte një lëndë narkotike e llojit kokainë.

Shqiptari u arrestua nga policia gjyqësore për trafik droge. Kjo ishte një nga kapjet më të rëndësishme të kokainës në Romagna që do të sillte disa milionë euro në treg. Sekuestrimi bëri të mundur zbulimin e një organizate kriminale transnacionale të dedikuar për transportin e lëndëve narkotike me një bazë logjistike dhe seli mbuluese në provincën e Forlit, një organizatë që u çmontua verën e kaluar.

Në përfundim të fazave të ndryshme procedurale, sipërmarrësi shqiptar, i cili kishte zgjedhur procedurën e shkurtuar, u dënua me një dënim të formës së prerë me dhjetë vjet burg. Dje ai u gjurmua nga hetuesit e Skuadrës Fluturuese të Shtabit të Policisë Forlì dhe u dërgua në burgun e qytetit.