Kronike
I dogjën makinën në Bilisht, autorët dy vëllezër
Zbardhet ngjarja e ndodhur një natë më parë në Bilisht, ku u dogj automjeti i një 34-vjeçari.
Identifikohen 2 autorët e dyshuar (vëllezër) të zjarrvënies, vihet në pranga njëri prej tyre dhe shpallet në kërkim autori tjetër i dyshuar.
Specialistët për Hetimin e Krimeve të Komisariatit të Policisë Devoll, pas një pune intensive hetimore për ngjarjen e ndodhur më datë 10.10.2022, në qytetin e Bilishtit, ku u dogj një automjet, bënë të mundur identifikimin e 2 autorëve të dyshuar të saj.
Si rezultat, u bë ndalimi i shtetasit D. S., 35 vjeç dhe u shpall në kërkim shtetasi R. S., 40 vjeç (vëllezër), të dy banues në Elbasan, për veprën penale “Shkatërrimi i pronës me zjarr”, kryer në bashkëpunim.
Nga veprimet hetimore dhe nga provat e grumbulluara rezultoi se këta shtetas i kanë vënë zjarrin automjetit tip “Audi A4”, në pronësi të shtetasit M. B., 34 vjeç, banues në Bilisht dhe për pasojë, automjeti është djegur plotësisht.
Vijon puna për vënien para përgjegjësisë penale të përsonave të tjerë, të dyshuar të implikuar në këtë ngjarje.
Materialet i kaluan Prokurorisë së Rrethit Gjyqësor Korçë, për veprime të mëtejshme.
Kandidat për kryetar bashkie për Tiranën? Ja si përgjigjet Blendi Gonxhja
Tarifat e Trump/ Miliarderët në SHBA: Bombë bërthamore ekonomike
Hajvan dhe i nderuar/ Albin Kurt kamaleoni ndryshon gjuhë dhe ngjyrë, vetëm për karrigen e pushtetit
5 ditë pas zgjedhjeve, gjithë Europa mblidhet në Sheshin Skënderbej
VIDEO/ Përsëritet tragjedia e Koçanit, rritet bilanci i viktimave, momenti kur të rinjtë dalin të tmerruar nga klubi i natës
Egli takohet me ish-partnerin Olsi Bylyku: Erdha të të them disa fjalë zemre, nuk kam mundur…
Gjekmarkaj: Dielli do agojë pas natës 12-vjecare të Rilindjes
