I infiltruari i Policisë i dha një listë me 15 persona, Beleri i telefonoi personalisht

Detaje të reja dalin në dritë në lidhje me hetimet, që çuan pas hekurave kandidatin e koalicionit ‘Bashkë Fitojmë’, Fredi Beleri, në një kohë kur ky i fundit del sot para gjykatës.

Gazetarja Klodiana Lala raporton se i infiltruari i policisë i dorëzoi Belerit një listë me 15 votues. Duke iu referuar këtyre burimeve, Beleri i ka kontaktuar në telefon vetë disa prej personat.

Po ashtu, ka dyshime se të infiltruarit iu dhanë 40 mijë lekë të reja për 8 vota. Ndërkohë burimet thanë se 7 nga 15 emrat janë kontaktuar nga Beleri.