I shpallur në kërkim ndërkombëtar, kapet shqiptari në Itali

Në Fiorano Modenese, Karabinierët arrestuan një 23-vjeçar përfitues të një mase kufizuese ndërkombëtare për krimet e kryera në vendin e tij të origjinës.

Mbrëmjen e së martës së kaluar, një patrullë e Karabinierëve nga stacioni Fiorano Modenese, gjatë një patrullimi, vazhdoi të kontrollonte të ri që endej në mënyrë të dyshimtë nëpër rrugët e qytetit. Gjatë operacioneve të identifikimit rezultoi se ndaj të huajit, shtetas shqiptar, ishte në pritje një urdhër kërkimi ndërkombëtar për ekstradim për llogari të shtetit shqiptar.

Në fakt ndaj tij është lëshuar një urdhër-arresti janarin e kaluar nga Gjykata e Rrethit Dibër, pasi ai ishte përgjegjës për tentativë vrasjeje, me maksimum 10 vite burg. 23-vjeçari dyshohet se ka goditur me kaçavidë nga pas një bashkëkombës të tij, duke i shkaktuar dëmtime të rënda.

I arrestuari është dërguar në burgun e Modenës dhe është vënë në dispozicion të organeve të drejtësisë.