I vihet flaka qëllimisht banesës në Vlorë, i moshuari…

Një banesë është përfshirë mëngjesi e sotëm nga flakët. Ngjarja ka ndodhur në lagjen ‘Partizani’ në Vlorë. Dyshohet se ka qënë një 68-vjeçar, i cili vuan nga probleme të shendetit mendor, ai i cili i ka vënë zjarrin banesës së tij dhe më pas është larguar.

Policia dhe forcat zjarrfikse mbërritën në vendngjarje për shuarjen e flakëve. Për disa minuta, ato dyshuan se 68 vjeçari gjendej në brendësi të saj por konstatuan të kundërtë. Ky person i kishte vënë zjarrin e më pas është larguar në drejtim të paditur.

Ndërkohë dëmet materiale në banesë janë të mëdha teksa dhoma ku jetonte i moshuari është djegur plotesisht.