Identifikimi i të miturit me meningit, ISHP: Kemi marrë masat për të parandaluar hapjen

Pas identifikimit të një rasti me sëmundjen e meningjitit në Durrës, ku pacienti ishte një i mitur, prindërit kanë refuzuar të çojnë fëmijët e tyre në shkollë. Pas kësaj, drejtoresha e Institutit të Shëndetit Publik, Eugena Tomini, ka thënë se nuk ka vend për panik. Tomini tha për “Report TV” se vetëm një rast është identifikuar në Durrës, por nuk ka situatë alarmante. Drejtoresha e ISHP shtoi se masat janë marrë në kohë, teksa u shpreh se prindërit dhe nxënësit duhet të qetësohen.

“Kemi vetëm një rast me meningjit në Durrës. Nuk ka asnjë rast tjetër. Asnjë situatë alarmante. Nuk ka asnjë rast tjetër i dyshuar qoftë nuk ka të raportuar. Janë pastruar koshat. Njësia e kujdesit shëndetësor në Durrës e ka ndjekur pas rastit me profilaksi me antibiotik duke ndërprerë zinxhirin e transmetimit dhe ka zgjeruar zinxhirin që po ndjek. Profilaksia është ndjekur me mësuesit, nxënësit në klasë dhe atë në bankë, për mesësit që kanë dhënë mësim. I gjithë personeli shëndetësore në Durrës kanë marrë profilaksi. Në mbi 95 kontaktet janë ndjekur me medikament antibiotik është ndjekur më shumë se kontakte që ka pasur rasti”, tha ajo.

Mjekja iu bëri thirrje prindërve dhe mjekëve pediatër të mos neglizhojnë asnjë shenjë, në mënyrë që të parandalojnë një situatë serioze.

“Por kapja në kohë e rastit, monitorimi nga prindërit dhe mjeku pediatër jep një përgjigj në terapi të menjëhershme/Temperatura, të vjella, durimin e dritës, çorientimin, Ngurtësimi I muskujve të qafës, nuk mund të kryejë lëvizjet e qafës duhet të shkojmë tek mjeku… Me pas shfaqen disa pulla në ngjyre të purpurt apo të kuqërremtë, nuk neglizhohet asnjë shenjë”, tha ajo.

Ministrja e Shëndetësisë Albana Koçiu tha se nuk ka vend për panik pasi janë marrë të gjitha masat pas identifikimit të rastit me meningit. Koçiu tha se janë kryer të gjitha analizat dhe ka nisur trajtimit i personave që kanë pasur me të kontakt.

“Prandaj duhet vizita menjëherë tek mjeku i familjes për çdo shenjë dhe të mos neglizhohen simptomat. Pandemia COVID na tregoi që është e domosdoshme të forcojmë akoma më shumë kapacitetet laboratorike të ISHP-së dhe jo pa qëllim, filluam ndërtimin e laboratorëve të rinj në një ambient komplet të ndërtuar nga e para. Është një godinë në fakt 4 kate mbi tokë dhe një kat nën tokë e cila është e mundësuar falë investimit të buxhetit të shtetit me një vlerë afro 5 milionë euro, një godinë 3 cila do të sigurojë kushte bashkëkohore për të gjithë ekzaminimet laboratorike që do të zhvillohen këtu”, theksoi Ministrja e Shëndetësisë.

ISHP ka rekomanduar më herët futjen e vaksinës së Meningokokut në kalendarin e vaksinave, por Tomini tha se ndërhyrja vjen nga incidenca e rasteve, njëlloj siç u veprua me përfshirjen ne kalendar të vaksinës HPV për kancerin e qafës së mitrës.

Prindërit e nxënësve të shkollave 9-vjeçare “Eftali Koçi” dhe “Kushtrimi i lirisë” dhe jo vetëm kanë refuzuar që të dërgojnë fëmijët e tyre në shkollë. Kjo për shkak se së fundmi, në Durrës, një 14-vjeçar u zbulua se ishte infektuar me meningit akut. Për shkak se herën e parë ky infeksion i mori jetën një 17-vjeçareje, rasti i dytë ka ngjallur panik tek prindërit dhe nxënësit. Ndaj për të tretën ditë radhazi, një numër i madh prindërish refuzojnë të dërgojnë fëmijët në shkollë, ku raportohet për një rritje të ndjeshme të mungesave.

Sipas informacioneve që bëhen me dije për mediat, prindërit shprehen se nuk dinë si të veprojnë. Panikun, përveç mungesave në shkollë, e tregojnë edhe kërkesat për vaksinën kundër meningitit bakterial. Por kërkesa e lartë ka lënë bosh depot si në Durrës, ashtu edhe në Tiranë.

Ndërkohë që shkollën “Kushtrimi i Lirisë” po diskutohet mundësia e rikthimit të mësimit online, pasi masat e sugjeruara deri më tani epidemiologët nuk i bëjnë të ndihen të sigurt. Në këto kushte, prindërit dhe jo vetëm, kërkojnë një përgjigje të qartë nga institucionet për sigurinë shëndetësore. Po ashtu, kërkohet edhe një hetim për të zbuluar se në çfarë rrugës është marrë infeksioni, duke marrë parasysh se është rasti i dytë në pak muaj nga i njëjti qytet.

Cilat janë shenjat e meningjitit?

Meningjiti është një infeksion i membranave mbrojtëse që rrethojnë trurin dhe palcën kurrizore (meningat). Mund të prekë këdo, por është më e zakonshme tek foshnjat, fëmijët e vegjël, adoleshentët dhe të rriturit e rinj. Meningjiti mund të jetë shumë serioz nëse nuk trajtohet shpejt. Mund të shkaktojë pasoja kërcënuese për jetën dhe të rezultojë në dëmtim të përhershëm të trurit ose nervave.

Simptomat e meningjitit

Simptomat e meningjitit zhvillohen papritur dhe mund të përfshijnë: temperaturë e lartë (ethe); një dhimbje koke; një qafë të ngurtë; përgjumje ose mosreagim; konvulsione (kriza). Këto simptoma mund të shfaqen në çdo mënyrë dhe jo gjithmonë shfaqen të gjitha simptomat.

Si përhapet meningjiti?

Meningjiti zakonisht shkaktohet nga një infeksion bakterial ose viral. Meningjiti bakterial është më i rrallë, por më serioz se meningjiti viral. Infeksionet që shkaktojnë meningjitin mund të përhapen përmes: teshtitjes; kollitjes; apo edhe duke u puthur. Meningjiti zakonisht përhapet nga njerëzit që i mbajnë këto viruse ose baktere në hundë ose në fyt, por nuk janë vetë të sëmurë. Mund të përhapet edhe nga dikush me meningjit, por kjo është më pak e zakonshme.

Meningjiti viral zakonisht përmirësohet vetë dhe rrallë shkakton ndonjë problem afatgjatë. Shumica e njerëzve me meningjit bakterial që trajtohen shpejt shërohen gjithashtu, megjithëse disa mbeten me probleme serioze afatgjata. Këto mund të përfshijnë: humbje dëgjimi ose humbje e shikimit, e cila mund të jetë e pjesshme ose e plotë; probleme me kujtesën dhe përqendrimin; konvulsione të përsëritura (epilepsi); probleme me koordinimin, por ndonjëherë është i nevojshëm edhe amputimi i gjymtyrëve të prekura. Në përgjithësi, vlerësohet se deri në 1 në çdo 10 raste të meningjitit bakterial është fatal për jetën.