Ik me të mirë, përndryshe/ Fundi pa lavdi i 6-javores

Truss në analet e kadifejta britanike

Liz Truss, Kryeministrja e Britanisë së Madhe dha dje dorëheqjen, pasi qëndroi në krye të ekzekutivit vetëm 6 javë, mandati më i shkurtri hë historinë e vendit

Po çfarë ndodhi në analet e kadifejta britanike?

Truss e njoftoi me pahir vendimin pas një takimi me Graham Brady, kreun e të ashtuquajturit ‘Komiteti i vitit 1922’, i cili I tha se ajo kishte humbur mbështetjen e shumicës së parties dhe duhej ta kursente veten nga poshtërimi i dëbimit prej kolegëve.

“Më mirë ik vullnetarisht dhe menjëherë sesa…” – e këshilloi Brady

Pas dorëheqjeve të ditët e fundit të ministrit të Financave dhe ministres së Brendshme, dy prej aleatëve të saj më të ngushtë në qeveri, situata për Trussin ishte bërë e paqëndrueshme. Dëmit që i shkaktoi vendit nga politikat e saj fiskale iu shtua humbja e autoritetit

“E mora detyrën në një kohë të paqëndrueshme ekonomike dhe ndërkombëtare. Familjet britanike ishin të shqetësuar se si të paguanin faturat. U zgjodha për ta ndryshuar këtë situatë. Kemi arritur rezultate, por kështu ndodhi…pastaj fola me Madhërinë e Tij, Mbretin” – deklaroi Liz Truss

Dy nga paraardhësit e saj në krye të konservatorëve dhe në krye të Mbretërisë së Bashkuar, Theresa May dhe Boris Johnson, kishin dhënë dorëheqjen në të njëjtën mënyrë: Ose largohuni ose do të detyroheni të largoheni.

Nuk ka munguar edhe reagimi cinik i ardhur nga Moska

“Britania nuk e ka njohur kurrë një turp të tillë. Kryeministrja 6 javore do të kujtohet me helmetë mbi tank, injorancën katastrofike dhe vdekjen e mbretëreshës menjëherë pas audiencës me Liz Truss”

Tani pritet që brenda një jave, konservatorët të zgjedhin kreun e ri të ekzekutivit, njëkohësisht kryeministri i ri i vendit. Prestigjiozja britanike “The Mirror” ka zbuluar një listë të kandidatëve të mundshëm, ndër të cilët kundërshtari i Truss për garën e fundit elektorale, Rishi Sunak, por gjithashtu nuk përjashtohet  edhe një rikthim i beftë i Boris Johnson