Irani në shenjestër? SHBA ka vendosur bombardues dhe avionë luftarakë në Oqeanin Indian

Shtetet e Bashkuara kanë vendosur shtatë bombardues stealth B-2 “Spirit” dhe dhjetëra avionë ushtarakë në bazën Diego Garcia në Oqeanin Indian (3826 km nga porti i Chabahar, Iran), gjë që mund të nënkuptojë një veprim ushtarak potencial.

B-2 “Spirit” është një bombardues strategjik i rëndë amerikan, i pajisur me teknologji të avancuar të “stealth” që e bën të pamundur detektimin lehtë në zonat me densitet të lartë të mbrojtjes ajrore dhe radareve.

Ai është i vetmi avion në shërbim të Shteteve të Bashkuara që mund të transportojë armë të mëdha standoff nga ajri në tokë në konfigurim stealth.

Asnjëherë më parë nuk janë parë kaq shumë B-2 të mbledhur në një bazë operacionale.

Një NOTAM ushtarak i lëshuar për Diego Garcia konfirmon se dy zona kryesore të rampës – B1 dhe B2 – janë të mbyllura deri më 1 maj, duke sugjeruar se asetet ajrore të mëdha të SHBA-së do të vazhdojnë të fluturojnë drejt ishullit në dy muajt e ardhshëm.

Kjo periudhë përputhet me përfundimin e ultimatumit dy-mujor të Trump ndaj Iranit, duke ngjallur më shumë pyetje rreth qëllimit të vërtetë pas kësaj rritjeje të papritur të prezencës së bombarduesve amerikanë në Oqeanin Indian.