“Irani s’mund të ketë armë bërthamore!”/ Mesazhi i prerë i Starmer nga NATO

Kryeministri britanik Sir Keir Starmer ka deklaruar se armëpushimi mes Iranit dhe Izraelit duhet të vijojë.

“Kjo është një mundësi për të siguruar stabilitetin shumë të nevojshëm në Lindjen e Mesme. Irani nuk duhet të lejohet kurrë të zhvillojë një armë bërthamore, dhe tani ata duhet të rikthehen në tryezën e bisedimeve për të punuar drejt një zgjidhjeje të qëndrueshme,” shkroi ai në një postim në rrjetin social X.

“Ky është mesazhi që po diskutoj me liderë të tjerë në samitin e NATO-s sot,” shtoi Starmer, duke iu referuar samitit që po mbahet në Holandë.

Më herët gjatë ditës, Starmer tha se kishte folur me emirin e Katarit në lidhje me sulmin iranian ndaj bazës amerikane.