Ish-kryediplomati kosovar, Enver Hoxhaj, i ashpër me Borrell dhe Lajçak

Ish-kryediplomati kosovar, Enver Hoxhaj pati kritikë të forte për shefin e diplomacisë së BE-së, Joseph Borrell dhe emisarin si ndërmjetësues të dialogut Kosovë-Serbi, Miroslav Lajçak.

Hoxhaj tha se qëllimi i deritanishëm i arritjes së një marrëveshje ndërmjet dy shteteve, ishte njohja e ndërsjelltë, e jo siç po thonë partnerët ndërkombëtar, se nuk do të ndodhë në këtë fazë.

Ish kryediplomati tha se anëtarësimet e Kosovës nëpër shumë organizata ndërkombëtare janë falë mbështetjes amerikane. Lajcak e Borell nga ana e tyre vijnë nga dy shtete anëtare të BE’së që s’njohin Kosovën, një lloj hipokrizie dhe ironie therrëse

“Albin Kurti duhet të ketë listë për anëtarësimet nëpër organizata botërore, si ajo e Tregtisë, UNESCO, e organizatat tjera rajonale, dhe pastaj nuk mundet Borelli e Lajcaku, njëri spanjoll  e tjetri sllovak të na shesin tërë kohës mend, teksa nuk arrijnë të bindin qeveritë e tyre” – tha Enver Hoxhaj