“Ishte i fiksuar pas idesë së vrasjes së fëmijëve”/ Hetuesit zbulojnë detaje tmerruese rreth autorit transgjinorë të sulmit në Minneapolis

Hetuesit thonë se autori që hapi zjarr ndaj nxënësve ndërsa ata po luteshin në një kishë në Minneapolis ishte “i fiksuar pas idesë së vrasjes së fëmijëve”.

Robin Westman, i cili vrau dy fëmijë dhe plagosi 18 të tjerë, nuk duket se kishte ndonjë motivim në veçanti, sipas Shefit të Policisë së Minneapolis, Brian O’Hara.

Autori “dukej sikur na urrente të gjithëve”, tha shefi të enjten, duke shtuar: “Më shumë se çdo gjë tjetër, autori i sulmit donte të vriste fëmijë”.

Fëmijët e vrarë janë identifikuar nga familja si Fletcher Merkel, tetë vjeç, dhe Harper Moyski, 10 vjeç.

“Dje, një frikacak vendosi të na e merrte djalin tonë tetëvjeçar Fletcher”, u tha gazetarëve babai i tij, Jesse Merkel.

“Fletcher e donte familjen, miqtë, peshkimin, gatimin dhe çdo sport që i lejohej të luante”, tha ai.

“Jepuni fëmijëve tuaj një përqafim dhe puthje shtesë sot. Të duam, Fletcher. Do të jesh gjithmonë me ne”, vazhdoi ai, duke mbajtur lotët.

Prindërit e Harper Moyski-t, Michael Moyski dhe Jackie Flavin, thanë në një deklaratë se vajza e tyre “ishte një 10-vjeçare e ndritshme, e gëzueshme dhe thellësisht e dashur, e qeshura, mirësia dhe shpirti i së cilës preku të gjithë ata që e njihnin”.

“Si familje, jemi të shkatërruar dhe fjalët nuk mund ta kapin thellësinë e dhimbjes sonë”, thanë ata, duke shtuar se shpresojnë që “kujtesa e saj të nxisë veprime” për të ndaluar dhunën me armë.

“Asnjë familje nuk duhet të durojë kurrë këtë lloj dhimbjeje… Ndryshimi është i mundur dhe është i nevojshëm – në mënyrë që historia e Harper të mos bëhet një tjetër në një varg të gjatë tragjedish”.

Zyrtarët kanë publikuar pak detaje deri më tani rreth të dhënave të të dyshuarit, por thonë se Westman më parë ka ndjekur shkollën e kishës dhe kishte një nënë që kishte punuar atje.

I dyshuari 23-vjeçar besohet se është afruar në anën e Kishës së Ungjillëzimit, e cila gjithashtu strehon një shkollë, dhe ka qëlluar dhjetëra herë përmes dritareve duke përdorur tre armë zjarri. Policia gjeti gjithashtu një bombë tymi në vendngjarje.

Dëshmitarët kanë përshkruar se kanë parë fëmijë që po rrjedhin gjak ndërsa largoheshin nga kisha, duke kërkuar ndihmë nga të huajt.

Në një konferencë për shtyp të enjten, Prokurori i Përgjithshëm i SHBA-ve për Minnesotan, Joseph Thompson, tha se “ai qëllon shprehu urrejtje ndaj shumë grupeve, përfshirë komunitetin hebre dhe ndaj Presidentit Trump”.

Sulmuesi, i cili vdiq në vendngjarje nga një plagë me armë zjarri e shkaktuar vetë, la një shënim, thanë zyrtarët, por ata shtuan se një motiv përfundimtar mund të mos dihet kurrë.

“Nuk do t’i denigroj fjalët e sulmuesit duke i përsëritur ato, ato janë të tmerrshme dhe të ndyra”, tha Thompson.