Dëgjohen shpërthime/ Izraeli nis një valë të re sulmesh ndaj Iranit, goditet centrali bërthamor

Agjencia e lajmeve Fars, e lidhur me IRGC-në, raporton se dy shpërthime janë dëgjuar disa minuta më parë pranë centralit bërthamor Fordow.

Fordou ndodhet në jug të Teheranit dhe rreth 32 km në verilindje të qytetit qendror të Qomit. Shtrihet rreth 100 metra nën tokë.

Kishte disa raportime të mëparshme për njerëz që kishin dëgjuar shpërthime pranë vendit.

SHBA-të dhe fuqitë kryesore evropiane kishin shprehur më parë alarm për zbulimin e grimcave të uraniumit të pasuruara në pastërti 83.7% në këtë vend specifik.

Izraeli shënjestroi centralin bërthamor të Natanzit në provincën Isfahan të Iranit më herët gjatë ditës së sotme.

Agjencia Ndërkombëtare e Energjisë Atomike thotë se nivelet e rrezatimit jashtë atij objekti kanë mbetur të pandryshuara, por kontaminimi radioaktiv brenda mund të menaxhohet me “masa të përshtatshme mbrojtëse”.