Ja pse hyra me dhunë në shtëpinë e saj

Ish-bashkëshorti i Britney Spears ka zbuluar arsyen e vërtetë pse hyri pa ftuar në dasmën e këngëtares në qershor me Sam Asghari-n.

Jason Alexander, i cili u arrestua dhe u akuzua për shkelje të rëndë pasi filmoi veten duke hyrë në shtëpinë e Spears në ditën e saj të dasmës, tha në një intervistë me Daily Mail se ai nuk besonte se Spears do të martohej me Asghari-n dhe duhej ta shihte me sytë e tij.

“Nuk mund ta lija të martohej me bisedat që kemi bërë gjatë dy viteve të fundit”, shpjegoi Aleksander. “Unë nuk isha atje për të shkaktuar dëm. Isha vetëm për të folur me Britney-n dhe për t’u siguruar që ajo ishte mirë dhe kjo ishte ajo që ajo donte.”

Ai theksoi edhe njëherë pretendimet e së kaluarës për një bisedë të mëparshme që ata kishin bërë ditë para dasmës së saj, duke thënë se Spears nuk i tha kurrë asgjë për martesën kur folën për herë të fundit.

“Kjo është e gjitha për shfaqje. Një skenar hollivudian,” spekuloi Alexander për martesën. “Unë nuk mendoj se ajo duket e lumtur. E gjithë kjo nuk është e vërtetë.”

Alexander tha se ai dhe Spears ranë dakord që ajo të kontaktonte me të në WhatsApp, por pasi ai nuk mori më asnjë lajm nga ajo dhe pa raportimet për martesën e saj, ai ndjeu se duhej të shkonte ta shihte vetë situatën.

Alexander theksoi se nuk kishte ndërmend të dëmtonte ish-gruan e tij, megjithëse u grind me truprojën e Spears kur nuk mundi të gjente këngëtaren dhe dyshohet se kishte një thikë me vete kur u arrestua.

Ai këmbënguli se nëse do ta kishte takuar Spears në ditën e saj të dasmës, “rezultati do të ishte ndryshe”, pasi ai ishte gjithashtu i bindur se ai nuk do të ishte arrestuar.