Jabllanoviç, Troccaz-it: Pozita e serbëve është përkeqësuar nga Kurti

Kryetari i Partisë së Serbëve të Kosovës, Aleksandër Jabllanoviç, është takuar më të Dërguarin Special të Francës për Ballkanin Perëndimor, Rene Troccaz, të cilit i është ankuar për “pozitën e rëndë” të serbëve të Kosovës, gjë për të cilën ai ka akuzuar Kryeministrin e Kosovës, Albin Kurti, duke shprehur kështu qëndrimin e njëjtë me atë të Beogradit zyrtar.

“Aleksandër Jabllanoviç ka theksuar se pozita e serbëve në Kosovë është bërë pothuajse e paqëndrueshme që nga ardhja në pushtet e qeverisë ultra-nacionaliste të Albin Kurtit. Persekutimet dhe arrestimet e serbëve janë një dukuri e përditshme që ka çuar në eksod masiv të serbëve” – thuhet në njoftimin e lëshuar, ku edhe theksohet se Prishtina qëllimisht kufizon dhe shkatërron ekonomikisht mjedisin ku serbët janë shumicë.

Nga ana tjetër, siç citohet në njoftimin e Partisë së Serbëve të Kosovës, i emisari Troccaz shprehu qëndrimin se “postblloqet e policisë që kufizojnë dhe pengojnë lëvizjen e qytetarëve nuk kanë të ardhme dhe duhet të hiqen”