‘Jemi në situatë të vështirë’/ Vuçiç i prerë: Kosova është fjala më e shtrenjtë

“Sot Serbia është në një situatë të vështirë juridike dhe politike sa i përket Kosovës dhe Metohisë. Pika jonë më e dhimbshme dhe e vështirë është Kosova dhe Metohia”, tha presidenti i Serbisë, Aleksandar Vuçiç.

Ai theksoi se Kosova është fjala më e shtrenjtë për çdo serb dhe, në të njëjtën kohë, dhe përdorimi dhe keqpërdorimi i saj na kanë çuar në marrëzi.

“Askush nuk do të jetë i kënaqur kurrë, çfarëdo që të propozonim, të gjithë do të ishin kundër. Ata që thërrasin për luftë do të thoshin se është e vështirë. Ata që thërrasin për pavarësinë e Kosovës do të cilëdsoheshin si tradhtarë ndaj nesh dhe këtë e dëgjoni kudo”, tha ai.

“Nuk ka pothuajse asnjë zgjidhje të mirë. Masat që kemi marrë nuk janë të lehta, kërkojnë përpjekje, punë, përballje me rezistencë”, tha presidenti i Serbisë.

Vuçiç ka thënë se Kosova ka humbur popullsinë e saj që nga viti 1971.

“Shqiptarët panë dritën në fund të tunelit kur filluan goditjet. Ata prisnin momentin e tyre, ne nuk kuptonim gjithçka që po ndodhte në botë dhe për këtë paguam një çmim të lartë. Paguam një çmim tragjik”, shtoi ai.

Vuçiç ka thënë se 85 shtete e kanë njohur pavarësinë e Kosovës dhe se historia për to ka marrë fund.

“Deri në vitin 2013 kemi pasur një kolaps të plotë ekonomik, kolapsin e disa vendeve ku ndodheshim. Kjo u pasua me indiferencë të përgjithshme. Kemi 112 vende që e njohin pavarësinë. Vetëm më të fortët dhe ato që kanë një situatë të ngjashme me ne, mbeten në anën tonë dhe më pas bisedimet dhe negociatat rreth Marrëveshjes së Brukselit”, tha ai.