Juventus dhe Fiorentina arrijnë marrëveshjen, sulmuesi argjentinas gati të vishet bardh e zi

Ditët e fundit të merkatos, duket se do ta gjejnë Juventusin, shumë të “ngarkuar” teksa drejtuesit bardh e zinj po mundohet të kompletojnë skuadrën në më pak se 1 javë nga nisja e sezonit të ri. Miqësoret e fundit tek Juvetus, kanë provuar faktin se ekipi i Thiago Mottës ende nuk është gati për sezonin e ri. Sa i takon merkatos, Juventusi duket se është një hap larg afrimit të argjentinasit të Fiorentinës, Nico Gonzales.

Klubi “Vjollcë” është gati të mbyllë marrëveshjen me Gudmundsson, ndaj në këto kushte në reaprtin ofensiv do të kishte mbipopullim. Sipas të përditshmes italiane “La Gazzetta dello Sport”, të dyja klubet duket se kanë rënë dakord për përfundimin e kësaj marrëveshje. 30 milionë euro do të jetë vlera e transferimit të sulmuesit argjentians, I cili do të përforconte kështu repartin ofensin të klubit torinez.