Juventusi mund Fiorentinën dhe ndjek Interin në krye të Serie A

Serie A e futbollit në Itali është në javën e 11-të. Këtë të diel gjithçka filloi në orën 12:30, me Monzën që fitoi 1-3 në Verona kundër vendasve dhe siguron tri pikë me vlerë, duke qenë në garë për zonën evropiane. Roma fitoi 2-1 me Leccen jo pa vështirësi, teksa te tri pikët doli edhe Juventusi që mundi 0-1 në udhëtim Fiorentinën dhe ndjek Interin në krye të Serie A. Në stadiumin “Marc’Antonio Bentegodi”, Verona vendase humbi 1-3 me Monzën, sfidë e vlefshme për raundin e 11-të në Serie A. Miqtë e Palladinos kaluan në avantazh me Colombon pas 41 minutave lojë, duke e mbyllur fraksionin e parë të ndeshjes në avantazh. Në pjesën e dytë ishte sërish Colombo që do shënonte golin e qetësisë në të 73 minutë, para se Caldirola në minutën e 84 të shënonte për 0-3. Në të 86 minutë ishte Folorunsho që shënoi golin e flamurit për vendasit. Me 16 pikë, Monza shkon në vendin e tetë, teksa Verona me tetë pikë mban pozitën e 17-të. Në “Unipol Domus”, Cagliari fitoi 2-1 kundër Genoas për javën e 11-të në Serie A. Sfida u vendos në pjesën e dytë, aty ku u shënuan edhe tre golat. Të parët në avantazh kaluan vendasit e Ranierit, me Viola që shënoi në minutën e 48-të. Vetëm tre minuta më vonë, Gudmundsson barazoi për miqtë. Duhej Zappa që pas asistit të Petagnas në minutën e 69 të kalonte në epërsi Cagliarin, gol që do rezultonte me vlerën e tri pikëve. Kështu Cagliari merr fitoren e dytë radhazi dhe me nëntë pikë shkon në pozitën e 17-të, duke dalë nga zona e ftohtë. Nga ana tjetër Genoa me 11 pikë qëndron në vendin e 15-të. Dramë, spektakël dhe ndeshje për ata që i përballojnë emocionet e forta. Në “Olimpico” Roma fitoi 2-1 me përmbysje kundër Lecces për javën e 11-të në Serie A. Sfida do vendosej vetëm në shtesë, me djemtë e Mourinhos që bënë përmbysjen e madhe. Sfida nisi mirë për Romën, që humbi një penallti me Lukakun në minutën e pestë. Pjesa e parë u mbyll me rrjeta të paprekura, për t’i lënë vendin një fraksioni të dytë të zjarrtë. Ishin puliezët që morën avantazhin me Almqvist në minutën e 72, duke shokuar vendasit. Kur u mendua se Roma do merre humbjen e pestë këtë sezon, Azmoun barazoi me kokë. Iraniani i datëlindjes 1995 shfrytëzoi bukur një asist të Zaleuskit dhe në 90+1 vendosi ekuilibrat për 1-1. Goli i dha besimin e duhur Romës, që shtoi presionin në sulm. Në 90+4 ishte Lukaku që përfitoi nga pasimi i Dybalas dhe me të majtë ndali sferën në rrjetën e Falcone për rezultatin final 2-1. Me 17 pikë Roma mban vendin e tetë, ndërsa Lecce me 13 pikë pozitën e 11-të. “Zonja e Vjetër” duket se është në rrugë të mbarë dhe po i bën presion Interit për kreun e Serie A. Në “Artemio Franchi” të Firences, Juventusi fitoi 0-1 në udhëtim me Fiorentinën, për javën e 11 në Serie A. Ndeshja u zhbllokua shpejt nga bardhezinjtë, që kaluan në epërsi qysh në të 10 minutë me Fabio Mirettin. Një pasim i Kostic nga e majta e sulmit bëri që djaloshi i ri të mbposhtet Terracianon me një gjuajtje pa shumë pretendime. Në vijimin e lojës, Fiore nuk pati shënjestrën e duhur, teksa në një rast ishte Szczesney që ndali golin e sigurt. Me këtë sukses Juventusi shkon në kuotën e 26 pikëve për vendin e dytë, dy pikë më pak se Intëri kryesues. Me 17 pikë Fiore mban pozitën e tetë.

Serie A – java 11-të, e diel:

12:30 Verona 1-3 Monza

15:00 Cagliari 2-1 Genoa

18:00 Roma 2-1 Lecce

20:45 Fiorentina 0-1 Juventus

Renditja:

Juventusi ‘këmba-këmbës’ Interit, bardhezinjtë fitojnë kundër Fiorentinës

“Zonja e Vjetër” duket se është në rrugë të mbarë dhe po i bën presion Interit për kreun e Serie A. Në “Artemio Franchi” të Firences, Juventusi fitoi 0-1 në udhëtim me Fiorentinën, për javën e 11 në Serie A. Ndeshja u zhbllokua shpejt nga bardhezinjtë, që kaluan në epërsi qysh në të 10 minutë me Fabio Mirettin. Një pasim i Kostic nga e majta e sulmit bëri që djaloshi i ri të mbposhtet Terracianon me një gjuajtje pa shumë pretendime. Në vijimin e lojës, Fiore nuk pati shënjestrën e duhur, teksa në një rast ishte Szczesney që ndali golin e sigurt. Me këtë sukses Juventusi shkon në kuotën e 26 pikëve për vendin e dytë, dy pikë më pak se Intëri kryesues. Me 17 pikë Fiore mban pozitën e tetë.

Dy gola në shtesë, Roma përmbys 2-1 Leccen ‘në frymën e fundit’! Lukaku bën heroin (VIDEO)

Dramë, spektakël dhe ndeshje për ata që i përballojnë emocionet e forta. Në “Olimpico” Roma fitoi 2-1 me përmbysje kundër Lecces për javën e 11-të në Serie A. Sfida do vendosej vetëm në shtesë, me djemtë e Mourinhos që bënë përmbysjen e madhe. Sfida nisi mirë për Romën, që humbi një penallti me Lukakun në minutën e pestë. Pjesa e parë u mbyll me rrjeta të paprekura, për t’i lënë vendin një fraksioni të dytë të zjarrtë. Ishin puliezët që morën avantazhin me Almqvist në minutën e 72, duke shokuar vendasit. Kur u mendua se Roma do merre humbjen e pestë këtë sezon, Azmoun barazoi me kokë. Iraniani i datëlindjes 1995 shfrytëzoi bukur një asist të Zaleuskit dhe në 90+1 vendosi ekuilibrat për 1-1. Goli i dha besimin e duhur Romës, që shtoi presionin në sulm. Në 90+4 ishte Lukaku që përfitoi nga pasimi i Dybalas dhe me të majtë ndali sferën në rrjetën e Falcone për rezultatin final 2-1. Me 17 pikë Roma mban vendin e tetë, ndërsa Lecce me 13 pikë pozitën e 11-të.