Connect with us

Aktualitet

“Ka prokurorë të SPAK me probleme”/ Karamuço plas BOMBËN: Disa të bëjnë foto dhe ia dërgojnë…

Eksperti i kriminalistikës Ervin Karamuço kërkon që hetimet e drejtësisë të shtrihen edhe drejt biznesmenëve, jo vetëm politikanëve. Duhet hetim për aksionet “aksionerët e çuditshëm”, shprehet Karamuço. “Ne kemi biznesin me probleme të mëdha. Për shkak të politikës aktuale, por edhe asaj të kaluarës, këta gjejnë shesh dhe bëjnë përshesh. Këto janë probleme jashtëzakonisht të mëdha kur ne flasim pastaj për ryshfete, jo nuk ka ryshfete. Në të gjitha korrupsionet që janë bërë në këto 30 vite, sidomos në 20 vitet e fundit, nuk ka pasur ryshfet me para. Ka pasur aksione, unë të jap këtë mundësi, ti do ma përkthesh me aksion. Nuk ka më lekë, ndonjë udhëtim ndoshta. Dhe ajo që kërkohet sot, te secila nga ato kompani, është të shikohet ku janë aksionet. Pse kanë dalë disa emra aksionerë, njerëz të çuditshëm. Emra që nuk kanë pasur asnjë lloj ‘background’ nga bota e biznesit. Çfarë janë këta? Këta duhet të trajtojë SPAK”. Ka prokurorë të Prokurorisë së Posaçme Anti Korrupsion që kanë probleme me integritetin, u shpreh eksperti në “Top Story”. “Dhe SPAK-u ka problemet e veta. Brenda SPAK-ut ka përplasje, ka dyshime për mungesë integriteti të disa prokurorëve. Para disa ditësh, doli një lajm, që unë prisja një përgënjeshtrim të nga drejtuesi i SPAK-ut që asnjë person nga BKH-ja, edhe nga Prokuroria e Posaçme, nuk ka ngrënë drekë me askënd. Nuk doli ta thoshte”. Karamuço shkoi më tej kur tha se prokurorë të Byrosë Kombëtare të Hetimit komunikojnë me personat nën hetim. “BKH-ja është në performancë të jashtëzakonshme. Ama ka disa që kur të marrin në pyetje, atë deklaratë që ti ke bërë, e fotografon dhe ia çon personit që është në hetim. Kjo është shumë e rëndë. Janë kryer hetime për këtë në disa raste. Këto duhet të minimizohen urgjentisht sepse po u humb kredibiliteti i SPAK, atëherë do të fillojmë të tallemi të gjithë, që nga politikanët të parët”.

Aktualitet

SPAK po mbledh të dhëna nga vendet e BE-së për pasuritë e Ilir Metës

Gazetarja Anduena Llabani tha se SPAK është në pritje të letërporosive nga vende të ndryshme të BE-së në lidhje me pasuritë që janë (apo dyshohet se janë) në emër të Metës dhe familjes së tij.

Po ashtu Llabani bëri me dije se hetimet për çështjen CEZ DIA janë drejt fundit.

“Oltion Bistri ka qenë punonjës në partinë e drejtuar nga Meta. Mendoj që jo rastësisht këta njerëz marrin këta pozicione. Politika i vendos ata, i katapulton, i përdor ata.

Oltrion Bistri mund të jetë një thesar sa i përket fakteve se si funksionojnë sot lidhjet mes politikës dhe krimit.

Po bëhen verifikime për të gjithë procedurat ose për faturat ekonomike. Është në fazën ku përveç faktit penal, Meta po hetohet nga SPAK dhe për faktin ekonomik.

Janë në pritje të letërporosive.

Nuk është imun Meta nga pasuritë jashtë vendit. Këta janë të gjithë me pasuri dhe me prona jashtë territorit dhe në vende të BE ku e dimë shumë mirë se çfarë kalvari duhet të kalosh që të marrësh një shtëpi, një restorant etj.

SPAK është duke mbledhur të dhënat nga vendet e huaja në lidhje me pasuritë që janë, apo dyshohet se janë në emër të Metës dhe familjes së tij.

Çështja ndaj Metës për Çez Dia është drejt fundit”, tha ajo

Continue Reading

Aktualitet

Veshi xhubletën në diplomimin në Amerikë, 22-vjeçarja me origjinë shqiptare: Përfaqëson identitetin tim

22-vjeçarja Mary Camaj, e cila është e sapodiplomuar në Shkenca Politike në Universitetin e Kolumbisë në shenjë falënderimi për të parët e saj, veshi xhubletën në ditën e diplomimit.

Ajo tërhoqi shume vëmendjen dhe fotot e saj u shpërndanë edhe në mediat shqiptare apo nga personazhe te ndryshëm.

Ne Amerike ajo punon për ish-këshilltarin e qytetit të Nju Jorkut dhe kryetari i Këshillit Koordinues të Diasporës, z. Mark Gjonaj.

Ajo tregoi se përse kishte zgjedhur të vishej me veshjen tradicionale në diplomimin e saj në Shtetet e Bashkuara të Amerikës.

“Doja të ndaja lajmi me të tjerët në rrjetet sociale dhe vendosa të vesh xhubletën time, është xhubletë origjinale, xhubleta e vajznisë. Mendova se meqë jam duke marrë diplomën në shkenca politike, pikërisht për Ballkanin ku jetojnë shqiptarët, unë mendova se xhubleta përfaqëson identitetin tim dhe një foto me një xhubletë flet 1000 fjalë. Kjo ishte arsyeja.

Ndërsa për ceremoninë e diplomës, kemi pasur një ditë të caktuar për të bërë fotot, nuk ka qenë dita e ceremonisë. Unë erdha shkova në shkollë dhe vesha xhubletën, jam ndier shumë krenare se xhubleta nuk është vetëm simbol i Malësisë së Madhe por i gjithë shqiptarisë”,-tha Camaj.

Continue Reading

Aktualitet

Ngjarja shokuese në Durrës/ U mor peng nga babai, 6-vjeçari tregon momentet e tmerrit

Dy fëmijët e mitur të Aleks Markut kanë përjetuar orë tmerri, pasi 40-vjeçari nga Lezha i mbajti peng në një banesë të marrë me qira ditore në Durrës, ndërsa qëllonte pa pushim me kallashnikov.

Djali i vogël, 6 vjeç, ka treguar gjithë skenën që ka parë, duke thënë se i ati qëllonte pa pushim, duke thyer xhamat e dritares dhe ballkonit, ndërsa shenjat e plumbave janë të dukshme edhe në mur.

Djali i madh, 11 vjeç ka qenë vazhdimisht në rrezik të plumbave pasi ndodhej në ballkon dhe fshihej pas murit, teksa i ati qëllonte me breshëri.

6-vjeçari thotë se edhe pse vëllai i thoshte “babi, babi, ai nuk fliste”.

Continue Reading

Aktualitet

“Policia më tha hajde merr fëmijët…”/ Nëna rrëfen tmerrin: Isha në Itali për dokumente

Bardhe Marku, nëna e fëmijëve që u mbajtën peng nga i ati, tregon se gjatë kohës kur ndodhi pengmarrja, ndodhej ne Itali për të marrë disa dokumente.

“E mora vesh kur më ka marrë Policia e Durrësit sot në mëngjes, ngaqë unë kam ardhur mbrëmë nga Italia. Ika te familja e prindërve se thashë po të vija, do të nervozohej më shumë gjendja dhe nuk doja të vija në rrezik fëmijët. E kisha llogaritur të vija të nesërmen ose vetëm, ose me policinë. Në mëngjes, Policia më tha hajde merri fëmijët se janë në Komisariat.

Së pari, shyqyr që më shpëtuan fëmijët. Unë kam qenë një javë në Itali, me miratimin e Aleksit. Kemi pasur konflikte, por nuk kemi qenë të ndarë. Kisha të gjitha dokumentet e fëmijëve në Itali se i kisha në shkollë. Më duheshin vaksinat për djalin e vogël. Kisha takim edhe me avokatin.

Tani do të kthehemi në Lezhë. Do fus edhe fëmijët në shkollë”.

Continue Reading

Aktualitet

Pickohet nga gjarpri në shkollë, 10-vjeçarja dërgohet me urgjencë në spital

Rreth orës 12:35, një ngjarje e rëndë është regjistruar në Farkë, ku një vajzë 10-vjeçare, mësohet se është pickuar nga një gjarpër dhe ka përfunduar në spital.

Ngjarja ka ndodhur në shkollën private World Academi of Tirana.

“Rreth orës 12:35, në Farkë, në ambientet e pasme të një shkolle private, një nxënëse e moshës 10-vjeçe, është pickuar nga një gjarpër. E mitura aktualisht ndodhet në spital, nën kujdesin e mjekëve”, njofton policia.

Continue Reading
Advertisement

TRENDING