Kaliforni, aeroplan i vogël përplaset në ndërtesë tregtare: 11 të plagosur

Një avion i vogël u përplas në çatinë e një ndërtese tregtare në Kaliforninë Jugore dhe 11 persona u plagosën.

Aksidenti ndodhi rreth orës 14:00 sipas kohës lokale në Fullerton, një qytet me rreth 140 mijë  banorë në Orange County, 40 kilometra në jug-lindje të Los Anxhelosit.

Policia dhe zjarrfikësit shuan zjarrin dhe evakuuan bizneset përreth, tha një zëdhënëse e policisë Fullerton.

Për momentin nuk dihet lloji i avionit dhe nëse të plagosurit ndodheshin në bord apo në tokë.