Kaos në Serbi/ Përmbyset furgoni me klandestinë, raportohet për të plagosur, arratiset shqiptari

Në autostradën në afërsi të Bela Pallankës në drejtim të Nishit, në dalje nga autostrada për në Bela Pallankë, ka ndodhur një aksident i rëndë trafiku në të cilin janë lënduar 42 shtetas të huaj.

Në aksionin e Policisë Kufitare, e cila tentoi të ndalonte një furgon të drejtuar nga një shtetas shqiptar dhe në të cilin po transportonte rreth 40 emigrantë nga Afganistani dhe Nepali, pasi u hodh nga automjeti në lëvizje dhe tentoi të arratisej, një numër personash nga automjeti është lënduar.

Një furgon me rreth 40 emigrantë të parregullt ka dalë nga rruga dhe është përmbysur në zonë, është konfirmuar nga komisariati i Pirotit.

Furgoni ishte me targa të Serbisë, ndërsa në vendin e aksidentit mbërritën ekipet e emergjencës nga Piroti dhe Nishi, të cilët i transportuan të lënduarit në spitalet e këtyre dy qyteteve.

Ambulanca në Pirot ka konfirmuar për Tanjug se në spitalin e atij qyteti janë sjellë 18 emigrantë.