Kapitullimi i Vuçiç/ Media serbe: Ja si ia dorëzoi Kurtit veriun e Kosovës

Para disa muajsh serbët nga veriu i Kosovës u tërhoqën nga policia dhe drejtësia e Kosovës dhe tani serish për shkak të bojkotit të zgjedhjeve veri dhe katër komunat serbe ua kanë lënë partive shqiptare.

Sipas portalit Nova.rs, është e qartë se serbët e Kosovës nuk përfitojnë nga kjo lloj taktike e Beogradit dhe se që nga nëntori vullnetarisht ia kanë dorëzuar Kosovës praktikisht tërë veriun e saj.

Të dielën janë mbajtur zgjedhjet në katër komuna serbe në veri të Kosovës, pas largimit të serbëve nga institucionet atje. Kryetarët e rinj do të kdrejtojnë Mitrovicen e veriut, Leposaviqin, Zveçanin dhe Zubin Potokun

Boshko Jakshiq, analist i politikës së jashtme, thotë se është thellësisht i bindur se lënia vullnetare e mundësisë që vetëm shqiptarët ta përcaktojnë fatin e serbëve në Kosovë, është një veprim i pamatur.

“Mund të ketë ndonjë arsyetim taktik për shkak të rrjedhës së negociatave, por serbëve nuk u sjell asnjë përfitim, vetëm dëme. Së dyti, bie ndesh me planin evropian që Vuçiq e pranoi dhe që thotë qartë se serbët duhet të kthehen në institucione. Jo vetëm që nuk u kthyen në institucione, por tani është bojkoti sheshi”, – u shpreh Jakshiq teksa dhe u shpreh:

Pyes veten nëse Vuçic dhe Kurtn, të cilët do të takohen më 2 maj në Bruksel, do t’i kthejnë veshët  nga Perëndimi, sepse kjo që po ndodh tregon se edhe Beogradi edhe Prishtina mund të vazhdojnë si më parë, të provokojnë njëri-tjetrin.