‘Kemi pritur që mbrëmë’, Raynair anulon pas 12 orësh fluturimin nga aeroporti i Rinasit, ankohen pasagjerët

Pas 12 orësh pritje, Raynair anulon fluturimin nga aeroporti i Rinasit. Qytetarët kanë telefonuar në News24 dhe kanë pohuar se kanë pritur mbi 12 orë dhe në fund u është thënë se avioni ka një defekt.

Sipas tyre kjo ka bërë që t’u anulohen planet dhe rezervimet.

“Pritëm 12 orë në avion, na thanë avioni ka defekt, duhet të prisni. Që mbrëmë pritëm në aeroport dhe në avion. Sot në mëngjes njoftuan se fluturimi anulohet. Komandanti në avion tha se do kompensohemi. Agjencitë thonë se s’kanë njoftim për anulim. Na u prishën planet dhe prenotimet që kishim bërë”, kanë pohuar qytetarët.