‘Kemi qenë në një burg’, Bledi i zbulon sekretin: Qëndronte me hajdutët

Gjatë qëndrimit të tij në “Big Brother VIP”, gazetari Bledi Mane ka folur shpesh për 3 eksperiencat e tij me burgun. Ai ka qenë tre herë i arrestuar, por ai e tregonte këtë me krenari duke e nxjerrë në pah në çdo moment kritik të qëndrimit të tij në shtëpinë e famshme Big Brother VIP Albania. Lidhur me këtë pjesë, Bledi Mane së fundmi ka postuar në rrjetet e tij sociale lidhur me banorin, Qetsor Ferunaj duke treguar se ka qenë në të njëjtin burg me këtë të fundit.

 

“Me Qetsorin kam qenë në burg, por me një ndryshim të vogël. Unë shërbeja të biblioteka e burgut lart në kat të tretë, ndërsa Qetsori qëndronte gjatë gjithë kohës poshtë të gjirizet, te bodrumi aty ku zakonisht izolohen xhepistët dhe hajdutët e pusetave”, janë fjalët e Bledi Manes.

 

Sipas mediave në janar të vitit 2012, Qetsori u akuzua nga Policia me akuzën e vjedhjes dhe u la i lirë pak ditë më vonë. Qetsori u akuzua për vjedhjen e disa tubave prej hekuri në pronësi të Ndërmarrjes së Ujësjellësit. Sipas akuzës, Qetsor Ferunaj kishte marrë tre punëtorë për të nxjerrë tubacionet, që kishin shërbyer para viteve 1990 për vaditjen e agrumeve në zonën e Orikumit.