KËSHILLAT, Qarku Vlorë/ PS kryeson bindshëm në 6 bashki

Në Bashkinë e Vlorës janë numëruar gjysmat e qendrave të votimit dhe Partia Socialiste si në shumë prej bashkive të tjera, kryeson në votat për Këshillin Bashkiak. Deri më tani PS ka marrë 69.91% të votave që përkthehen në 33 mandate. Bashkë Fitojmë 16.64% të votave ose 9 mandate, 6.20% ose 3 mandate PD, 2.28% ose 1 mandat PPA, 2.12% ose 1 mandat PR, 1.81% ose 1 mandat PDS, 6.20% ose 1 mandat LZHK.

Në Selenicë, PS kryeson me 31.92% përkthyer në 8 mandate. BF ka vetëm 5.26% të votave ose 1 mandat. Ndërkohë, 9.20% të votave ose 2 mandate ka PD, 9.19% ose 2 mandate PAA, 8.65% ose 2 mandate PSD, 9.85% ose 2 mandate ALD, 8% ose 2 mandate AD dhe 4.56% ose 1 mandat PR.

Në bashkinë e Sarandës kryeson PS me 29.27% ose 11 mandate, 11.86% ose 4 mandate Bashke Fitojmë, 5.16% ose 2 mandate PD, 6.33% ose 2 mandate PLL. Nga 1 mandat marrin PAA, PR, PSD dhe FRD.

Në Delvinë sërish kryeson PS me 42.04% të votave ose 8 mandate. BF ka 16.89% të votave ose 3 mandate. 13.64% ose 2 mandate PSD, 9.% ose 1 mandat PD dhe 5.54% ose 1 mandat PDIU.

Në Himarë janë numëruar vetëm 7 nga 36 QV. PS ka marrë 37.81% ose 9 mandate, 19.56% ose 5 mandate Bashkë Fitojmë. Në këtë bashki deri më tani PD s’ka marrë asnjë mandat, ndërsa PSD ka marrë 8.39% ose 2 mandate dhe 9.12% ose 2 mandate AAK.

Në Konispol janë numëruar 12 nga 16 QV. Edhe në këtë bashki ka marrë shumicën PS me 39.33% ose 7 mandate, 16.70% ose 3 mandate Bashkë Fitojmë, 16.19% ose 2 mandate PDIU, 9.09% ose 1 mandat PD. Nga 1 mandat marrin edhe PR dhe PLL.