Kjo është çmenduri/ SHBA-BE të vendosura për sanksione të reja

Bashkimi Evropian vendosi masa ndëshkuese ndaj Kosovës verën e kaluar sepse sipas tyre, nuk bëri përpjekje të mjaftueshme për të qetësuar situatën në veri. Që atëherë, vajtimi i zyrtarëve kosovarë për “sanksionet e vendosura në mënyrë të padrejtë” nuk ka të ndalur, ndonëse rëndësia dhe efekti i tyre është mbi të gjitha politik dhe simbolik.

Rregullorja e BQK-së për ndalimin e dinarit në Kosovë u kritikua nga zyrtarë të shumtë amerikanë dhe evropianë, madje edhe ambasadori amerikan në Kosovë, Geoffrey Hovenier, tha se marrëdhëniet SHBA-Kosovë janë dëmtuar.

Po a mund të bëhen realitet sanksionet e reja ndaj Prishtinës dhe çfarë do të prodhonin ato, nëse marrim parasysh maksimën pesimiste, apo thjesht realiste se është çmenduri të bësh të njëjtën gjë pa pushim dhe në të njëjtën mënyre e me të njëjtat mjete, duke shpresuar në një rezultat tjetër?

Ekspertët, njohës të zhvillimeve politike thonë se masat ekzistuese nuk janë pa efekt dhe se Prishtina mund të përballet me kufizime të reja, ndërsa të tjerë kujtojnë se ideja e BE-së nuk është të ndëshkojë askënd.

Disa analistë theksojnë se paketa e re e sanksioneve “nuk është joreale”, pasi sipas tyre, tashmë flitet shumë për të dhe se “ku ka tym ka edhe zjarr”.

Të tjerë vlerësojnë se SHBA-ja dhe BE-ja po mendojnë rëndë se si të ndëshkojnë veprimet e njëanshme të kryeministrit të Kosovës Albin Kurti lidhur me vendimin e BQK-së për anulimin e transaksioneve të pagesave në dinarë.

BE, shtetet e QUINT-it dhe SHBA nuk janë të kënaqura me mënyrën se si po sillet Kurti dhe qeveria e tij për shkak të përshkallëzimeve që po shkaktojnë. Kujtojmë deklaratat e James O’Brien javën e kaluar ku ai vuri në pikëpyetje edhe çështjen e marrëdhënieve të partneritetit mes SHBA-së dhe Kosovës, kështu që situata në këtë moment është alarmante në kontekstin e dialogut dhe marrëdhënieve ndërmjet Beogradit dhe Prishtinës, si dhe marrëdhënieve të Qeverisë së Kosovës ndaj serbeve ne very, e cila kerkon nje pergjigje te qarte politike nga BE-ja dhe SHBA-ja qe pres ta shohim ne periudhen e ardhshme se si do te jetë.

Tani për tani nuk ka indikacione konkrete për sanksione. BE-ja prezantoi një paketë masash kufizuese për Qeverinë e Prishtinës në qershor të vitit të kaluar, të cilat nuk ndikuan pozitivisht në rrjedhën e ngjarjeve. Nëse do të ketë sanksione të reja, ato tani pritet të jenë më të ashpra dhe më specifike drejtpërdrejt kundër individëve në qeverinë e Kosovës. Varet nga disponimi i shteteve anëtare, sigurisht edhe nga SHBA-ja

Është e rëndësishme të kujtojmë se BE-ja njoftoi së fundmi Planin e rritjes per Ballkanin Perendimor, rreth 6 miliarde euro ndihme direkte financiare qe i dedikohet edhe Kosoves si pjese e Ballkanit Perendimor. I gjithe fondi mund te bllokohet per Prishtinën nese nuk perputhet me kriteret e qarta, si arrëdhëniet e mira fqinjësore dhe dialogu me Beogradin