DONALD TRUMP SHPALL FITOREN NE IRAN

Presidenti amerikan Donald Trump deklaroi gjatë një fjalimi për ligjvënësit republikanë në Miami se lufta me Iranin do të përfundojë “shumë shpejt dhe se Shtetet e Bashkuara po marrin kontrollin ushtarak mbi konfliktin.
“Brenda një jave ata do të na sulmonin 100%. Kishin të gjitha raketat, shumë më shumë se sa kishte menduar kushdo dhe do të sulmonin jo vetëm ne, por të gjithë Lindjen e Mesme dhe Izraelin”, tha Trump, duke shtuar se, nëse Irani do të kishte pasur armë bërthamore, do të kishte përdorur ndaj Izraelit.
Ai theksoi se shumica e raketave dhe dronëve iranianë janë neutralizuar.
“Raketat janë kryesisht shkatërruar, dronët janë rrëzuar, dhe po godasim vendet ku prodhohen dronët. Njohim të gjithë objektet dhe po i shkatërrojmë ato”.
Trump pohoi gjithashtu se bashkëpunimi me Izraelin ka qenë vendimtar.
“Së bashku me partnerët tanë izraelitë, po shkatërrojmë armikun dhe po demonstrojmë forcën teknike dhe ushtarake”.

Luftë e “shkurtër dhe fitore e pjesshme
Duke iu referuar operacioneve të SHBA-ve, presidenti foli për një ndërhyrje ushtarake “afatshkurtër” për të eliminuar individë që ai i quajti të “mëdhenj të këqij”.
Ai shtoi se, megjithëse fitoret janë të dukshme, Shtetet e Bashkuara “nuk kanë fituar ende sa duhet dhe se objektivi mbetet “fitore përfundimtare që do të zhdukte këtë rrezik njëherë e përgjithmonë”.
Trump gjithashtu përmendi vrasjen e komandantit iranian Qasem Soleimani gjatë mandatit të tij të parë, duke theksuar ndikimin e këtij veprimi në zvogëlimin e kapaciteteve ushtarake të Teheranit.
Reagimet dhe mesazhi për liderin e ri iranian
Presidenti përmendi gjithashtu pasigurinë rreth udhëheqësisë së re iraniane.
“Tani askush nuk ka ide se kush do të jetë kryetari i vendit”, duke aluduar në supozimin se Mojtaba Khamenei nuk ka konsoliduar ende autoritetin e tij.
Fjalimi i Trump ishte gjithashtu një mënyrë për të nxjerrë në pah aftësinë e ushtarake të SHBA-ve dhe për të treguar mbështetjen ndaj zgjerimit të partneritetit me Izraelin, ndërsa synon të qetësojë opinionin publik për rritjen e çmimeve të karburanteve dhe sigurinë globale.
Në përfundim, Trump e përshkroi situatën si “në përfundim të shpejtë dhe garantoi se ndërhyrja amerikane do të çojë në një botë më të sigurt pas neutralizimit të kërcënimeve nga Irani.