Konfuzohet rrjeti/ Pse në këngën e P.Diddy shfaqet flamuri shqiptar?

“Çfarë e lidh P.Diddy me Shqipërinë?”- kjo është pyetja më e re që po qarkullon së fundmi në rrjet, kjo për shkak të një bashkëpunimi të Diddy me reperin Giggs, ku në klipin e këngës shfaqet disa herë flamuri i Shqipërisë.

Bashkëpunimi me titullin “Mandem” (mandem-një grup shumë i ngushtë shoqëror; zhargon/slang britanik) ka marrë shumë vëmendje në rrjete sociale teksa të gjithë po mundohen të japin teoritë e tyre se pse reperët kanë zgjedhur të vendosin në klip flamurin tonë.

Ndërsa akuzat kundrejt P.Diddy vijojnë të shtohen dhe shumë histori të reja po dalin, po aq të shumta janë edhe teoritë që qarkullojnë për të, e mbi të gjitha për përfshirjen e yjeve botërorë me më shumë influencë në industri.