Korrupsion dhe fshehje pasurie/ SPAK nis komunikimin e akuzave ndaj Arben Ahmetajt, Zotos dhe Mërtirit

Ish-zv.kryeministri Arben Ahmetaj është marrë i pandehur nga SPAK për akuzat e korrupsionit, pastrimit te parave dhe fshehjes së pasurisë, në lidhje me aferën e inceneratorëve.

SPAK ka përfunduan hetimet dhe po iu komunikon akuzat të pandehurve, Arben Ahmetaj dhe dy bosëve të inceneratorëve, Mirel Mërtiri e Klodian Zoto.

Lajmi është konfirmuar për BalkanWeb nga gazetarja Klodiana Lala.

Sipas SPAK, ish zv.kryeministri në arrati ka përfituar rryshfet nga bosët e inceneratorëve, si pasuri te paluajtshme si dhe në formën e dhuratave apo pagesës së udhëtimeve.