Korrupsioni në bujqësi/ Tomorri: Përse s’ua ndërprenë fondet dhe Serbisë?

Pezullimi i fondeve të bujqësisë nga BE-ja, ka qenë kryefjala e ditëve të fundit. Sa i takon lajmit se janë pezulluar fondet e Bashkimit Europian për bujqësinë, pas akuzave për korrupsion, pati një mori reagimesh nga klasa politike e jo vetëm. Por një lajm i fundit që nxjerr në dritë disa fakte kontradiktore, ka nxitur edhe reagimin e gazetarit Klodian Tomorri.

Në lajmin e publikuar nga “Top Channel” sqarohet ndërmjet rrjeshtave se janë bërë 36 investigime në Ballkanin Perëndimor, ku rekordin e mban Maqedonia e Veriut. Duke iu referuar konkretisht materialit në fjalë, gjysma e hetimeve të nisura në rajonin tonë i përket Maqedonisë së Veriut.

Në pesë 5 e fundit, 18 hetime për shpërdorim apo keqpërdorim të fondeve europiane janë hapur ndaj Shkupit zyrtar. Deri në këtë moment, OLAF i ka paraqitur institucioneve europiane dhe atyre maqedonase 7 rekomandime. Ndërsa në vend të dytë në nivel rajonal është Serbia, ku janë hapur 9 hetime dhe janë paraqitur deri më tani 4 rekomandime e ndërsa në Shqipëri janë hapur 2 hetime, përfshi ai i vitit 2021 për fondet në bujqësi dhe në Malin e Zi 1 hetim.

Po sipas shkrimit, hetimi mund të mbyllet pa fajtorë, sikundër mund të mbyllet edhe me kërkesën për rikthimin e pjesshëm apo të plotë të zërave të dyshuar të abuzuar të fondeve europiane. Duke iu referuar materialit të “Top Channel”, Shqipëria është më pak e njollosura. Pyetja që ai parashtron është: Përse nuk u’a kanë ndërprerë fondet Maqedonisë, Serbisë, por vetëm ne?!

Postimi i plotë nga gazetari

Ja dhe top channel qe ka bere nje lajm shume te mire sot. Na thote se keto hetimet e olafit per grantet e be-se jane gjera te zakonshme. Mbi 36 hetime jane bere vetem ne ballkanin perendimor dhe rekordin e ka maqedonia e veriut, serbia etj. Shqiperia eshte me pak e njollosura dmth.

Vetem se kane harruar nje detaj shume te vogel tek lajmi. Pse nuk ja u kane nderprere fondet ketyre Maqedonise, Serbise qe mbakan rekordin per mashtrimet me fondet e BE-se, por na i ndeprene vetem ne? Spin spin me doktore. Tek lajmet e oligarkise nuk behen keto lloj gjerash.