KOSOVA E BINDUR/ Trumpi avancon rrugën që çon në njohje reciproke me Serbinë

Në një letër drejtuar presidentit amerikan, Donald Trump, presidentja kosovare, Vjosa Osmani, theksoi përkushtimin e tij për të avancuar rrugën që çon në arritjen e njohjes reciproke ndërmjet Kosovës dhe Serbisë, duke shtuar se ndan bindjen që kjo do t’i kontribuojë paqes afatgjatë në rajonin e Ballkanit Perëndimor dhe në mbarë Evropën.

Gjatë mandatit të tij të parë, Donald Trump e shtyu Kosovën dhe Serbinë në nënshkrimin e një marrëveshjeje për normalizimin e marrëdhënieve ekonomike.

Ambasadori i Kosovës në Uashington, Ilir Dugolli, nënvizoi në një intervistë për gjigantin “Politico” se vizioni i Trumpit për arritjen e njohjes reciproke Kosovë-Serbi në kuadër të procesit të dialogut për normalizimin e marrëdhënieve është një hap kyç drejt paqes dhe stabilitetit afatgjatë në rajonin e Ballkanin Perëndimor.

Kosova dhe Serbia kanë kaluar më shumë se një dekadë e gjysmë duke negociuar për të arritur një marrëveshje për normalizimin e marrëdhënieve. Prishtina dhe Beogradi kanë arritur një marrëveshje vitin e kaluar nën kujdesin Bashkimit Evropian, por aty nuk përmendet njohja reciproke mids dy vendeve si “element qendror” i normalizimit.

Në marrëveshjen ’23-ës, megjithëse nuk përmendet njohja reciproke mes dy vendeve, kërkohet që Serbia t’i njohë simbolet shtetërore të Kosovës, të mos e kundërshtojë anëtarësimin e Kosovës në organizatat ndërkombëtare dhe t’ia respektojnë integritetin territorial dhe sovranitetin shtetëror. Por, kjo marrëveshje ende nuk është zbatuar.