Kosova, kanuni i Ramës dhe prerja në besë

Kryeministri i Shqipërisë, Edi Rama, dje nga Shkupi ka folur për mos konfirmimin e takimit nga ana e kryeministrit Albin Kurti dhe ka thënë se mbase Kurti s’ka harruar që në bazë të kanunit nuk i mbyllet dera as armikut.

Për këtë deklaratë të Ramës ka reaguar deputeti i Lëvizjes Vetëvendosje, Ardian Gola. Ai ka thënë se është e vërtetë që Kanuni kërkon t’i hapet dera edhe hasmit, por Gola shton se kanuni dënon rëndë edhe “premjen n’besë”.

“Eshte e vertete qe Kanuni kerkon t’i hapet dera edhe hasmit nese t’vjen n’shpi. Vec Kanuni e denon rend premjen n’bese. Me siguri Rama ka ndonje interpretim te vecante realpolitik te Kanunit”, ka shkruar Gola.

Gjatë vizitës së tij në Maqedoninë e Veriut, Kryeministri Edi Rama është shprehur se po punohet që Samiti Berlinit të shënojë rezultate konkrete dhe se nuk ka shpallur vdekjen e tij

Ai tha se Open Balkan vetëm të mira i ka sjellë rajonit e se 1000 herë të kthehej pas do ta ribënte, teksa ka theksuar më tej se kush nuk ka marrë pjesë në atë iniciativë ka bërë gabim për veten e vet.