Kosovë – Serbi, prova gjenerale për paqe

Kosovë – Serbi, prova gjenerale për paqe

Në kufirin jugor të Serbisë dhe kufirin verior të Kosovës, po zhvillohen “Provat e Përgjithshme të Paqes” ndërmjet dy vendeve. Pavarësisht tensionit për targat, delegacione nga Prishtina dhe Beogradi shkëmbyen vizita në zonat e tyre të diskutueshme, në Serbinë jugore dhe në thellësi mbi urën e Mitrovicës.

Statusi i Bujanovcit dhe Luginës së Preshevës me shumicë shqiptare, sipas qeverisë së Kosovës, mund të bëhet pjesë e pakos së negociatave mes Prishtinës dhe Beogradit.

“Kemi biseduar për ekonominë, politikën dhe aktualitetin në të cilin gjendemi dhe mbi të gjitha për dialogun ndërmjet Kosovës dhe Serbisë – tha Ragmi Mustafa, kryetar i Këshillit Kombëtar të Shqiptarëve të Luginës – kjo është diçka e mirë kur shkëmbejmë vizita mes njëri tjetrit. Besoj se edhe vizita e Bërnabiç në veri të Mitrovicës është shenjë se po shkojmë drejt progresit paqësor”.

“Dua të dërgoj një mesazh të qartë dhe të thjeshtë nga këtu në Kosovë, një mesazh paqeje, stabiliteti dhe tolerance. Për mua është veçanërisht e rëndësishme të vizitoj Kosovën në një moment kaq të vështirë dhe kompleks,”, tha Ana Brnabiç.

Dy vizitat janë një hap përpara dhe njëfarë  ngushëllimin për BE-në pas tensioneve të fundit. Gjatë muajit gusht, shefi i diplomacisë së Unionit Josep Borrell arriti të gjejë një marrëveshje të përkohshme dhe të pjesshme mes palëve, megjithatë tensionet janë ende të forta. Bashkimi Evropian dëshiron që të dy vendet të zgjidhin problemet e tyre për të parandaluar konfliktin ukrainas që të destabilizojë edhe Ballkanin Perëndimor.

Për këtë, i dërguari i posaçëm i Bashkimit Evropian për dialogun Kosovë-Serbi, Mirosllav Lajçak, i shoqëruar nga dy këshilltarë të sapoemëruar të Gjermanisë dhe Francës për dialogun, do të vizitojnë Prishtinën dhe Beogradin më 9 shtator.

Qëllim i vizitës është “të eksplorohen opsionet për përparimin në dialog”, tha zëdhënësi i BE-së, Peter Stano.