Connect with us

Kosova

Kosovë: 11 të vdekur dhe 765 raste të reja me COVID-19

Instituti Kombëtar i Shëndetësisë Publike në Kosovë (IKSHPK) njoftoi të shtunën se gjatë 24 orëve të fundit janë regjistruar edhe 765 raste me koronavirusin e ri, që e shkakton sëmundjen COVID-19.

Rezultatet janë në bazë të 1791 mostrave të testuara. Nga sëmundja COVID-19 kanë vdekur edhe 11 pacientë.

“Rastet e vdekjes janë nga komunat: Gjilan 3 raste (71, 71, 69 vjeç), Prishtinë 3 raste (82, 68, 60 vjeç), Ferizaj 1 rast (50 vjeç), Gjakovë 1 rast (70 vjeç), Mitrovicë 1 rast (76 vjeç), Prizren 1 rast (77 vjeç), Vushtrri 1 rast (70 vjeç)”, thuhet në njoftimin e IKSHPK-së

Sipas të dhënave të IKSHPK-së, gjatë 24 orëve të fundit janë shëruar edhe 193 pacientë, ndërsa numri i rasteve aktive është 10.752.

Që nga fillimi i pandemisë më 13 mars të këtij viti, në Kosovë janë infektuar 28.616 persona prej të cilëve 17.055 janë shëruar ndërsa 809 kanë vdekur.

Më herët Policia e Kosovës njoftoi se gjatë 24 orëve të fundit ka shqiptuar gjoba ndaj 778 qytetarëve të cilët nuk kanë respektuar Ligjin për parandalimin dhe luftimin e pandemisë COVID-19.

Ligji për parandalimin dhe luftimin e pandemisë së COVID-19, është miratuar në muajin gusht nga Kuvendi i Kosovës. Gjobat për mosrespektim të Ligjit për parandalimin dhe luftimin e pandemisë COVID -19 fillojnë nga 35 deri në 2000 euro, varësisht nga shkeljet.

Të premten më 13 nëntor në Kosovë kanë hyrë në fuqi masat e reja për parandalimin e përhapjes së koronavirusit.

Masat e marra parashohin tri zona të rrezikshmërisë, sipas numrit të të infektuarve nëpër komuna: zona e kuqe me rrezikshmëri të lartë, zona e verdhë me rrezikshmëri mesatare dhe zona e gjelbër e cila ka rrezikshmërinë më të ulët.

Kosova

Vuçiç dërgon ushtrinë/ Pista e re zbulohet nga britanikët

Një organizatë private e intelegjencës me seli në Londër të Britanisë së Madhe paralajmëroi se Serbia pritet të rrisë – sërish dislokimet ushtarake përgjatë kufirit me Kosovën në 12 muajt e ardhshëm, dhe njëkohësisht pritet të mbështesë publikisht edhe politikën ruse në mënyrë që të vendosë marrëdhënie më të ngushta me Rusinë në dritën e luftës në Ukrainë.

“Ka shumë të ngjarë që qeveria serbe të mbështesë publikisht politikën ruse për të vendosur marrëdhënie më të ngushta me Rusinë në 12 muajt e ardhshëm; ka shumë të ngjarë që industria serbe e eksporteve të armëve të rritet në 12 muajt e ardhshëm; ka shumë gjasa që Serbia të rrisë dislokimet në kufirin me Kosovën në 12 muajt e ardhshëm”, paralajmëroi organizata.

Në shtator të vitit të kaluar, në linjë me rrjedhën e tensionuar të marrëdhënieve, veçanërisht pas sulmit terrorist të paramilitarëve serbë në Banjskë të Zveçanit – komunë e banuar me shumicë serbe – në pjesën veriore të Kosovës, përgjatë vijës kufitare me Kosovën, administrata amerikane alarmoi për një “grumbullim të paprecedent” të ushtrisë serbe në afërsi të kufirit.

E në një artikull tjetër, organizata në fjalë që merret me aspektet e sigurisë dhe spiunazhit, paralajmëroi edhe përshkallëzim të tensioneve Kosovë-Serbi në 6 muajt e ardhshëm, duke përfshirë edhe shtetet fqinje të rajonit, posaçërisht nëqoftëse Qeveria e Kosovës nuk lëvizë nga qëndrimi për ndalimin e dinarit serb që përdoret kryesisht në komunat veriore të vendit.

“Tensionet etnike ndërmjet kosovarëve dhe serbëve ka të ngjarë të rriten në Kosovë gjatë 6 muajve të ardhshëm ndërsa qeveria po zbaton vendimin për ndalimin e dinarit. Përplasja ndërmjet Serbisë dhe Kosovës ka të ngjarë të përkeqësojë tensionet rajonale në 6 muajt e ardhshëm, ndërsa vendet fqinje rreshtohen me njërën ose tjetrën palë”, paralajmëroi organizata britanike.

Gjithashtu, në analizën e organizatës “Grey Dynamics” mbi rrjedhën e tensionuar të marrëdhënieve midis Kosovës dhe Serbisë, konsiderohet se ka të ngjarë që Bashkimi Evropian dhe Shtetet e Bashkuara të ndërhyjnë gjatë 6 muajve të ardhshëm në përpjekje për të stabilizuar rajonin për shkak të tensioneve të shtuara ndërmjet Prishtinës dhe Beogradit.

“Në këtë drejtim, asnjëra palë nuk i ka ulur tensionet, duke shkaktuar shqetësim në Evropë. Me sa duket, duke pasur parasysh vëmendjen evropiane dhe amerikane ndaj konfliktit të vazhdueshëm ndërmjet Ukrainës dhe Rusisë, situata e sigurisë në rajon rrezikohet të përshkallëzohet”. Kjo atmosferë e nxehtë në marrëdhëniet midis dy vendeve tashmë është bërë normë dhe pritet të vazhdojë edhe përgjatë vitit 2024. Një vendim i fundit i Bankës Qendrore të Kosovës (BQK), nëpërmjet së cilës synohet të ndalohet qarkullimi i dinarit serb nё territorin kosovar, shtroi shtresa të reja në rrjedhën e tensionuar të marrëdhënieve midis Kosovës dhe Serbisë.

Gjithashtu, në një artikull të gazetës gjermane “Welt” kushtuar tensioneve në Ballkanin Perëndimor, thuhet se frika nga ripërtëritja e konflikiteve në rajonin e rrethuar nga armiqësitë entike, është duke u rritur në kancelaritë perëndimore, posaçërisht pas sulmit të paramilitarëve serbë në veri të Kosovës dhe kërcënimeve secesioniste në Bosnje-Hercegovinë.

Në vorbullën e këtyre zhvillimeve, për shumë vëzhgues të huaj, perspektiva e rrëshqitjes drejt skajeve të krizës nuk mund të izolohet; derisa u krijohet mundësia lojtarëve lokalë serbë të lidhur me interesat ruse të zgjerojnë hijen kërcënuese dhe të provokojnë konflikte, tani rreziku i ripërshkallëzimit rri i varur mbi mbarë Ballkanin Perëndimor të ngjeshur nga tensionet.

Continue Reading

Kosova

Çfarë fshihet pas perdes së tymit/ Analisti zbulon të vërtetën për asociacionin

Shkëlzen Maliqi, analist politik nga Prishtina, tha se kryeministri i Kosovës Albin Kurti po vonon formimin e aaociacionit sepse ka frikë se mund të humbasë votuesit. Qëndrimet e ndryshme që vijnë nga Vetëvendosja për draftin e aaociacionit, ai i sheh si një “perde tymi për lëshimet që janë të pashmangshme”.

“Ata kanë frikë të hyjnë në atë proces. Kanë kanë frikë se nuk dihet se kur do të mbahen zgjedhjet. Duke qenë se tashmë kanë bërë disa lëshime, ata janë duke matur pasojat. Vazhdimisht po anketojnë opinionin publik. Kurti ka frikë për karrigen e tij, nëse do të mbetet apo jo kryeministër. Partia e tij mund të fitojë në zgjedhje por sigurisht jo aq bindëse sa herën e kaluar, nëse nuk do të ketë me vete votuesit e sjellë nga Vjosa Osmani dhe duket se do të humbasë disa nga tradicionalët e tij, të cilëve u premtoi bashkim me Shqipërinë e kështu me radhë”- deklaroi analisti i njohur, duke shtuar se Kurti i ka “shpenzuar pothuajse të gjitha kreditë” dhe se i ka mbetur “vetëm demagogjia”.

“Ka në lojë edhe atfalangat, ata që përdorin rrjetet sociale për të sulmuar njerëzit që nuk e përkrahin Kurtin”, theksoi Maliqi. I pyetur nëse ka përçarje brenda Vetëvendosjes në lidhje me draftin e asociacionit, ai sqaroi se sigurisht që brenda partisë ka mendime të ndryshme, por se beson se ata “ndajnë role” mes vete.

“Kurti thotë një gjë, Kusari një tjetër, Konjufca një të tretë e kështu me radhë, dhe pastaj kjo shkaton stuhi në media që një herë thonë një gjë, një herë tjetër, diçka ndryshe. Po krijohet një lloj perde tymi për disa koncesione, të cilat janë të pashmangshme”, – vlerësoi Maliqi.

Siç tha ai, marrëveshja e Ohrit është e mbushur me kompromise që janë të dhimbshme edhe për Prishtinën edhe për Beogradin, por duhet respektuar. Nëse kjo nuk ndodh deri në verë, vlerëson Maliqi, mund të duhet të presim edhe dy ose tre vjet.

“Për draftin e asociacionit është rënë dakord deri diku, është miratuar në nivel kombëtar, vetëm duhet të shohim disa pika se deri ku do të shkojë. A do të shkojë drejt një autonomie, jo shumë formale, apo nuk do të ketë një nivel të ri qeverisjeje, por vetëm disa pushtete do të jenë më të mëdha. Kjo është çështja kryesore dhe lufta po zhvillohet rreth kësaj. Por Kurti nuk do ta krijojnë derisa të zbatohen të gjitha apo elemente të rëndësishëm. Prandaj do të ishte më mirë që të niste një proces i diplomacisë intensive, por duket se koha po ikën për këtë. Nëse nuk zgjidhet deri në qershor, atëherë mund të duhet të presim edhe dy ose tre vjet për një lloj marrëveshjeje finale për asociacionin”- theksoi Shkelzen Maliqi.

Continue Reading

Kosova

Lojërat me kufi, vendoset shkëmbim tokash me Serbinë

Gazeta gjermane, Frankfurter Allgemeine Zeitung, ka paralamëruar pasoja të mëdha nga projekti që bëri bujë së fundmi: Jared Kushner, dhëndri i ish-presidentit amerikan, Donald Trump planifikon investime në Shqipëri dhe Serbi.

Gazetari Michael Martens shkruan në artikullin me titull “Çfarë po planifikon dhëndri i Trump në Ballkan” se “nëse vjehrri i tij Donald Trump bëhet president amerikan, marrëveshja mund të ketë pasoja të mësha.

“Një projekt i mundshëm investimi i dhëndrit të Donald Trump, Jared Kushner në Serbi dhe Shqipëri ka ndezur debate të gjalla, veçanërisht në Beograd.

Të premten, Kushner konfirmoi planet për New York Times, të cilat gazeta i përdori si bazë për një raport gjithëpërfshirës mbi projektin. Kjo nga ana tjetër çoi në reagime të qarta nga qeveria serbe në fundjavë”- shkruan FAZ.

“New York Times” raportoi se në Beograd bëhej fjalë për ndërtimin e një hoteli dhe një objekti me “1500 njësi banimi” dhe në Shqipëri bëhej fjalë për ndërtimin e resorteve luksoze në bregdetin e Mesdheut.

“Jemi shumë të emocionuar. Ne nuk i kemi bërë ende këto marrëveshje, kështu që ato mund të mos ndodhin, por ne kemi punuar shumë për to dhe jemi shumë afër”- citohet nga gazeta të ketë thënë Kushner.

FAZ raporton gjithashtu se ish-i dërguari special i SHBA-së për dialogun Kosovë-Serbi, Richard Grenell, ka luajtur një rol të rëndësishëm në gjithë këtë. Gazeta gjermane shkruan se projekti mund të rezultojë shumë i dobishëm politikisht për kryeministrin e Shqipërisë, Edi Rama dhe presidentin serb, Aleksandër Vuçiç, nëse Donald Trump kthehet në Shtëpinë e Bardhë.

FAZ ka përmendur një “marrëveshje të planifikuar” midis Ramës, Vuçiçit dhe presidentit të atëhershëm të Kosovës, Hashim Thaçi, për çështjen e shkëmbimit të territoreve mes Kosoves dhe Serbise, që sipas gazetës, ishte në prag të ralizimit.

Sipas një marrëveshjeje të planifikuar në atë kohë, e cila u përfol si një ‘shkëmbim tokash’, Martens shkruan se veriu i Kosovës do t’i kishte kaluar Serbisë dhe jugu do të kishte tendencë drejt Shqipërisë.

FAZ shkruan se marrëdhëniet e mira me Trumpin, mund t’i hapin rrugë Ramës dhe Vuçiçit për ta ringjallur këtë plan.

Continue Reading

Kosova

Banjska flet dhe nxjerr fakte të reja/ Eksperti i kërkon Albin Kurtit të…

Eksperti i marrëdhënieve ndërkombëtare dhe çështjeve të sigurisë, Adrian Shtuni, ka folur për tensionet mes Kosovës dhe Serbisë, ndër të tjera edhe për sulmin terrorist të Banjskës.

Duke e cilësuar sulmin e 24 shtatorit në Banjskë si sulm paramilitar, Shtuni tha se institucionet e Kosovës duhet të kryejnë hetimet të thelluara për këtë sulm dhe të ngrejnë padi ndaj personave përgjegjës.

“Unë mendoj që sulmi në Banjskë, shkon përtej terrorizimit. Ishte një sulm paramilitar, i cili kishte formën e një kryengritje të armatosur, me qëllim të qartë për të cenuar rendin kushtetues të Kosovës, por edhe me potencial për destabilizimin e rajonit. Duhet të ketë aktakuza të qarta nga autoritetet vendore në Kosovë”, – deklaroi Shtuni Ekaperti i marrëdhënieve ndërkombëtare dhe çështjeve të sigurisë, tha se tensionet në Ballkanin Perëndimor nuk mund të përjashtohen.

Ai e sheh shqetësuese ngritjen e influencës ruse në rajon dhe mendon se sulmet hibride do të jenë në rritje.

Continue Reading

Kosova

Kosova para gjyqit, Von Crammon e akuzon në Bruksel

“Qeverisë së Kosovës i mungon vullneti politik për të përparuar në integrimet evropiane të vendit. Kabineti qeveritar ka aplikuar për anëtarësim në Këshillin e Evropës dhe në BE, por hapat e nevojshëm për përparim nuk janë bërë’, – kështu deklaroi mediumin bullgar BTA, raportuesja e Parlamentit Evropian për Kosovën Viola von Cramon.

Sipas saj, në Kosovë thonë se duan të bëhen anëtarë të NATO-s, BE-së dhe Këshillit të Evropës, por nëse dikush i njeh rregullat e klubit, duhet të luajë me ato rregulla në vend që t’i shkelë. Ajo vazhdoi duke thënë se Qeveria e Kosovës aktualisht nuk po ua lehtëson aspak jetën qytetarëve, por po dërgon sinjale shumë të përziera.

“Partnerët ndërkombëtarë janë të lodhur nga mosveprimi i Prishtinës, dhe kjo çoi në futjen e masave ndëshkuese nga BE-ja vitin e kaluar”, tha Von Vramon duke shtuar për mediumin bullgar se për t’u anëtarësuar në BE, Kosova duhet të njihet si një vend i pavarur nga shtetet anëtare, pesë prej të cilave nuk e njohin pavarësinë e Kosovës.

“Të gjithë pajtohen se ka nevojë për përfundim të suksesshëm të dialogut për normalizimin e marrëdhënieve Beograd-Prishtinë”, theksoi raportuesja e Unionit. “Kur Kosova shpalli pavarësinë, ishte e qartë se bëhej fjalë për një shtet dhe shoqëri multietnike dhe nevojiten mekanizma për ta mbrojtur atë shoqëri multietnike. Megjithatë, partisë në pushtet dhe mbështetësve të saj tani nuk i intereson kjo”.- potencoi Viola Von Cramon.

Sipas raportueses së PE-së, Kosova është plotësisht e mundur që të anëtarësohet në BE, por ajo shpreson të shohë një qeveri që punon në interes të njerëzve për ta arritur këtë qëllim.

Von Cramon tha se asnjë nga mekanizmat e BE-së për trajtimin e krizave të tilla nuk ka qenë mjaft efektiv deri më tani, dhe vendosja e masave kufizuese që prekin drejtpërdrejt qytetarët e vendit do të ishte e padrejtë.

Continue Reading
Advertisement

TRENDING