Kreu i ushtrisë belge flet për mundësinë e luftës në Ballkan

Përfshirja e drejtpërdrejtë e Belgjikës, anëtare e NATO-s, në një luftë është diçka që duket surreale. E megjithatë, gjatë një vizite te ushtarët belgë të dislokuar në Rumani, shefi belg i mbrojtjes, Michel Hofman paralajmëroi për rrezikun e mundshëm të konfliktit me Rusinë.

“Është një skenar i frikshëm. Një luftë në shkallë të plotë me Rusinë, duke përfshirë hapur Belgjikën, është diçka që dukej e paimagjinueshme përpara pushtimit të Ukrainës nga Vladimir Putini. Sot, sipas Michel Hfman, kreut të Mbrojtjes së Belgjikës, “ne kemi arsye për t’u shqetësuar”. “Rusët kanë demonstruar tashmë gatishmërinë e tyre për te sulmuar fqinjet”, deklaroi ai për mediumin VRT.

Për momentin, Rusia është e angazhuar vetëm në një front: Ukrainën. Por një rritje e tensioneve midis vendeve të Ballkanit ka ngritur frikën për hapjen e një fronti të dytë në këtë pjesë të botës, me Rusinë që synon ta zgjerojë ndikimin e saj. Putini ka marrëdhënie të shkëlqyera me disa vende të rajonit, si Serbia, e cila po demonstron gjithnjë e më shumë dëshirën e saj për kontroll dhe zgjerim në Bosnjë e Hercegovinë dhe Kosovë.

Prandaj shefi belg i Mbrojtjes nuk e përjashton asnjë skenar dhe madje deklaron: “Europa duhet të përgatitet urgjentisht. Ata që aspirojnë paqen do të bënin mirë të përgatiteshin për luftë”.