Kriza e urisë/ Spanja dhe Gjermania dërgojnë 24 ton ndihma humanitare nga ajri në Gaza

Spanja dhe Gjermania kanë dërguar ndihma humanitare nga ajri në Rripin e Gazës, ndërsa Madridi ka deklaruar se operacioni mbetet i pamjaftueshëm për të përmbushur nevojat e banorëve të kërcënuar nga uria.

Spanja hodhi 12 ton ushqime, ndërsa Gjermania hodhi 14 ton ushqime dhe furnizime mjekësore, duke marrë pjesë në operacion, i cili po koordinohet nga Jordania, me Mbretin Abdullah II që bën thirrje edhe një herë për mbështetjen e bashkësisë ndërkombëtare për të përmirësuar situatën humanitare të popullsisë civile.

“Spanja po merr pjesë në misionin e ndihmës humanitare nga ajri duke përdorur një avion ushtarak të Forcave tona Ajrore, një A400”, njoftoi Ministri i Jashtëm spanjoll José Manuel Álvarez, duke postuar një video të operacionit në X.

Albarez kishte njoftuar më parë këtë javë se kamionë me ndihmë humanitare spanjolle ishin aktualisht të parkuar në kufirin me Rripin e Gazës” duke pritur të hynin në enklavë.

“Rruga ajrore është qartësisht e papërshtatshme. Izraeli duhet të hapë të gjitha kalimet tokësore përfundimisht në mënyrë që ndihma humanitare të mund të hyjë masivisht në Rripin e Gazës”, këmbënguli kryeministri spanjoll, duke kërkuar një armëpushim që do të lejojë shpërndarjen e ndihmës.

Në të njëjtën kohë, Ministria Gjermane e Mbrojtjes njoftoi se dy fluturime sot kanë hedhur furnizime ushqimore dhe mjekësore, me një total prej gati 14 tonësh, në emër të Organizatës Humanitare Hashemite Jordaneze (JHCO).

Dërgimi i armëve u urdhërua nga Boris Pistorius, ndërsa ishin bërë përgatitjet për të siguruar zhvillimin sa më të shpejtë të operacionit.

“Popullsia civile ka nevojë urgjente për sasi të mëdha ushqimi, ilaçesh dhe furnizimesh të tjera. Së bashku me Kombet e Bashkuara dhe organizatat ndërkombëtare të ndihmës, të gjitha kanalet dhe mjetet e disponueshme duhet të shfrytëzohen dhe zgjerohen, veçanërisht në lidhje me furnizimet tokësore”, tha Ministria Gjermane e Mbrojtjes në një deklaratë.