Kujdes Kosovën…Ballkani po shpërbëhet/ Dështojnë SHBA dhe BE

Kujdes Kosovën…Ballkani po shpërbëhet/ Dështojnë SHBA dhe BE

Profesori i njohur amerikan, Daniel Serwer, në një analizë të publikuar në Peace.net, ka thënë se situata në Ballkan po përkeqësohet, duke paralajmëruar se Bosnja po përballet me kërcënimin e ndarjes, ndërsa në Kosovë, sipas tij, gjendja ka vazhduar të përkeqësohet, kurse me rënien e Gjukanoviçit në Maqedoninë e Veriut, analisti amerikan thotë se Vuçiç tashmë e ka marrë Malin e Zi.

Serwer në analizën e tij thotë se “në Bosnje dhe Hercegovinë, anëtari serb i presidencës shtetërore Milorad Dodik ka konfirmuar synimin e tij për të shpallur pavarësinë e Republikës Srpska”.

“Nominalisht, ai synon integrimin në Serbi. Problemi i tij aktual është se drejtësia shtetërore nuk do ta lejojë atë të shpronësojë tokën publike në Republika Srpska, që i nevojitet si kolateral për kreditë që ai planifikon të rifinancojë nga Rusia dhe burime të tjera të dyshimta këtë verë” – shkruan Daniel Serwer

Sipas tij, Dodik ka kohë që ka kërkuar t’i shmanget kontrollit të shtetit dhe komunitetit ndërkombëtar.

“Dodik duhet të gjejë një shtëpi ku nuk rrezikon arrestimin por nuk ka gjasa që Serbia të hapë dyert e saj sepse kjo do të zemëronte shumë Brukselin dhe Uashingtonin” – shkruan Serwer

Profesori i njohur amerikan thotë gjithashtu se në Kosovë gjendja ka vazhduar të përkeqësohet.

“Presidenti serb Vuçiq ka dëshmuar në dy mënyra se i kontrollon serbët në veri të lumit Ibër. Zgjedhjet e fundit atje dhe mosvotimi rikonfirmuan se Beogradi historikisht ka urdhëruar të gjitha trazirat dhe qetësirat atje. Ata që votuan zgjodhën katër shqiptarë për kryetarë komunash në komunat me shumicë serbe. Vuçiq dhe kryeministrja e tij reaguan me zemërimin e nacionalistëve etnikë, që pakica kishte përcaktuar rezultatin e zgjedhjeve për shkak të bojkotit që ata urdhëruan”.

“Nuk do të doja që unë të isha një nga ata kryetar komune të zgjedhur. Askush nuk do ti mbeshtesë ata. Zemërimi i Vuçiqit ka për qëllim të maskojë faktin se ai do të vazhdojë të qeverisë de facto katër komunitetet veriore, me shumicë serbe nga Beogradi, duke përdorur rrjetin e tij të oficerëve të sigurimit dhe kriminelëve. Prishtina do ta ketë të vështirë të arrijë diçka atje” – shkruan Daniel Serwer teksa dhe shtoi në ligherate te drejtë: Mali i Zi tashmë ka rënë në duart e Serbisë.

“Vuçic tashmë e ka marrë Malin e Zi. Ai ka përdorur mjete të zgjuara hibride me mbështetjen ruse për të zgjedhur një president të ri. Jakov Milatovic pretendon se është pro BE-së, por është më shumë se i dhënë pas Serbisë. Kisha Serbe, partitë politike pro-serbe dhe një mobilizim populist kundër korrupsionit e rrëzuan Milo Gjukanoviqin nga detyra. Ai ka qenë në pushtet për shumicën e tre dekadave të fundit, duke qeverisur me mbështetjen e grupeve të pakicave etnike. Në zgjedhjet e ardhshme parlamentare të 11 qershorit, Milatoviq do të fitojë një shumicë pro-serbe, kundër pakicës në parlament” – shkruan analisti amerikan

“Mali i Zi është anëtar i NATO-s. Serbia pretendon status ushtarakisht “neutral”. Kjo duhet të jetë e mjaftueshme për të parandaluar një aneksim, por gjithashtu e dobëson aleancën duke sjellë në mesin e saj një tjetër ‘djalë plangprishes si Hungaria”, shkruan Serwer.

Më tej ai thotë se “nuk është rastësi që në të njëjtën kohë po bëhen përpjekje në tre shtete për të hequr serbët nga qeveritë jo-serbe”.

“Presidenti Vuçic aspiron ‘Botën serbe’, d.m.th. një shtet për të gjithë serbët, i cili përfshin edhe territor në vendet fqinje. Kjo është ‘Serbia e Madhe’, qëllimi i Millosheviqit, me një emër tjetër. Në Bosnje ai thjesht duhet të lejojë Dodik të bëjë gjënë e tij. Në Kosovë ai është duke shfrytëzuar hezitimin e kryeministrit Kurti për të filluar negociatat për një mekanizëm ‘vetëqeverisës’ për serbët në Kosovë. Në Mal të Zi zgjedhjet sollën atë që donte Vuçic” shkruan Serwer

Analisti amerikan thotë se “teksa amerikanët dhe evropianët vazhdojnë të deklarojnë se Serbia po shkon drejt Perëndimit, në realitet Vuçiq më në fund e ka kthyer vendin e tij drejt Lindjes. Që ‘Bota serbe’ të bëhet realitet, Beogradi duhet të shpresojë në një fitore ruse në Ukrainë. Kjo do të krijonte precedentin e nevojave të Vuçiqit për aneksimin e pjesëve të Kosovës dhe Bosnjës. Ai gjithashtu do ketë nevojë që Kina të sigurojë fondet e nevojshme për Serbinë e Madhe. Ai nuk ka nevojë të aneksojë Malin e Zi – ai vetëm duhet të rimartohet për të rivendosur bashkimin shtetëror të Serbisë dhe Malit të Zi që ekzistonte në 2003-2006. Ose mund të bashkëjetojë me shumë marrëveshje dypalëshe që janë në prag të shkrirjes”.

Sipas Serwer, “Vuçiq e di se amerikanët dhe evropianët nuk do të pranojnë de jure Serbinë e Madhe. Por ai shpreson se ata do të mësohen të jetojnë de facto me një Serbi të Madhe. Ata nga ana e tyre janë treguar të butë. Uashingtoni është përpjekur të injorojë Dodikun dhe të qetësojë Vuçiqin.

Diplomatët amerikanë mbështesin me forcë Asociacionin e Komunave me Shumicë Serbe, të cilën ai e sheh si një instrument për “vetëqeverisjen” serbe. Amerikanët gjithashtu kanë ringjallur bashkëpunimin ushtarak dhe kanë siguruar një sasi të madhe fondesh përmes bankave multilaterale evropiane të zhvillimit. Ankesat për korrupsionin në Serbi janë të pakta. Ky qetësim nuk ka dhënë ndonjë rezultat pozitiv”, shkruan analisti.

“Por nderkohe ndarjet po i pengojnë evropianët. Kryeministri hungarez Orban vepron si mbrojtës i Vuçiqit dhe Dodikut, duke parandaluar sanksionet ndaj të dyve. Franca dhe Holanda kanë vënë frena në perspektivat e zgjerimit për Maqedoninë, Shqipërinë dhe Bosnjën. Kjo gjithashtu zvogëlon atraktivitetin e BE-së në Serbi dhe Mal të Zi. Pesë vendet anëtare të BE-së që nuk e kanë njohur Kosovën po pengojnë çdo konsensus të vërtetë në favor të saj, edhe në votimin relativisht të pakontestueshëm të Këshillit të Evropës të javes qe shkoi për procesin e pranimit të Prishtinës”.

Sipas Serwer, “SHBA dhe BE po dështojnë në Ballkan. Ata duhet të ndryshojnë drejtim. Analiza e tyre bazë është e gabuar. Ata mbështeten te Serbia, si shteti kyç në rajon, për të siguruar stabilitet në bashkëpunim me Kroacinë dhe Shqipërinë. Por Serbia është një fuqi revizioniste. Ajo dëshiron të qeverisë të gjithë serbët në rajon. Kroacia dhe Shqipëria kanë ambicie më të ulëta, por ato shkojnë në të njëjtin drejtim: duan të kontrollojnë bashkatdhetarët e tyre në Bosnjën dhe Kosovën fqinje” – përfundon analizën e tij Serwer.