Kursi i këmbimit/ Leku forcon pozitat ndaj euros dhe dollarit amerikan

Në tregun e këmbimit valutor vendas, të premten leku forcoi pozitat ndaj valutave kryesore, euros dhe dollarit amerikan, ndërsa humbi terren në raport me monedhat e britanike dhe zvicerane.

Sipas kursit zyrtar të Bankës së Shqipërisë, euroja këmbehet me 123.82 lekë ose 0.04 lekë më pak se një ditë më parë.

Monedha e gjelbër amerikane u zhvlerësua me 0.54 lekë duke u kuotuar në vlerën 104.47 lekë.

Ndërsa paundi britanik dhe franga zvicerane u forcuan përkatësisht me 0.07 lekë dhe 0.25 lekë. Monedha britanike këmbehet me 137.30 lekë dhe franga zvicerane këmbehet me 115.99 lekë.

Banka e Shqipërisë bën të ditur se, presionet për likuiditet janë të kontrolluara dhe kursi i këmbimit është i qëndrueshëm. /j.p/