Kurti pa sinjal për marrëveshje rreth zgjedhjes së presidentit

Kryeministri Albin Kurti ka pohuar se ende nuk ka asnjë lëvizje që të do të sinjalizonte afrimin e një marrëveshje për zgjedhjen e çështjes së presidentit, teksa vendi është në dy javët vendimtare politike.
Kurti pas tryezës “Kosova: Nga një destinacion pranë bregut në një kufi inovacioni”, ka thënë se vazhdon të jetë në komunikim me liderët opozitarë duke potencuar para gazetarëve se “kur ka rezultate atëherë ju njoftojmë”.
Gjatë ditës, zëvendëskryeministri i vendit, Glauk Konjufca, deklaroi se procesi i zgjedhjes së presidentit të ri të Kosovës mbetet i varur nga qëndrimi i opozitës, duke paralajmëruar edhe mundësinë e zgjedhjeve të reja në rast të mungesës së konsensusit.

Konjufca, i cili njëkohësisht është kandidat i Lëvizjes Vetëvendosje për president, tha se është i gatshëm të tërhiqet nga gara nëse partitë opozitare arrijnë të propozojnë një emër të përbashkët.
Kosovës i kanë mbetur më pak se 20 ditë për zgjedhjen e presidentit të ri, por ende nuk ka ndonjë lëvizje konkrete nga subjektet politike për këtë çështje. Ndonëse takimet kanë nisur këtë javë, ato nuk kanë prodhuar rezultat në takimin mes kryeministrit Albin Kurti dhe kryetarit të LDK-së.

Megjithëse është paralajmëruar se takimet do të vazhdojnë edhe gjatë ditëve në vijim.
Takimi Kurti-Abdixhiku është zhvilluar pa praninë e mediave dhe përmbajtja e bisedimeve ka mbetur konfidenciale.
Megjithatë, Kurti është shprehur optimist se në takimet e ardhshme mund të gjendet një zgjidhje për çështjen e presidentit, duke potencuar se rezultati me 80-81 vota duhet të jetë “rezultati i fundit” dhe jo “synimi maksimal”.
Partia Demokratike e Kosovës (Partia Demokratike e Kosovës) ka kërkuar nga kryeministri Kurti një letër serioze lidhur me çështjen e presidentit. Nënkryetarja e kësaj partie ka deklaruar të martën se deri më tani nuk kanë pranuar asnjë letër nga Kurti për këtë çështje.
Partia e Kurtit, LVV-ja, kishte propozuar herën e parë dy kandidate të saj për president: Glauk Konjufcën dhe Fatmire Kollçakun, pavarësisht se kjo ishte arsyetuar me mungesën e kohës.