Kush është Aleks Vishaj, i riu ‘i sëmurë’ pas pokerit që ecën me 300 km/h

Aleks Vishaj që drejtonte makinën me 300 km/h në tunelin e Kalimashit duke rrezikuar edhe jetën e të tjerëve nuk është një emër i panjohur. Ai ka pasion lojën e pokerit, gjë që e ka treguar përmes rrjeteve sociale.

Ndërkohë kur vuante dënimin në Britani ku u kthye pas dëbimit, me guximin që e karakterizon i riu regjistroi veten në një celular të cilin e mbante të fshehtë në qelinë e tij gjatë qëndrimit të tij në qelinë e burgut Wandsworth në Londër.

Në makinë me 300km/h, kush është Cllevio Serbiano që vuri kamera për grupet kriminale në Lushnje dhe u përfshi në sherr me Noizy-n

Cllevio Serbiano, emri i vërtetë i të cilit është Kleviol Ahmeti është emër i njohur për drejtësinë. Ai po lëvizte me mikun e tij Aleks Vishaj me shpejtësi skëterrë mbi 300 km/h dhe këtë moment e filmonte duke e përgëzuar për atë që po bënte, ndonëse rrezikonte jetën e vet dhe të tjerëve.

Ai është vënë nën hetim për vendosjen e kamerave spiune në Lushnje që i shërbenin grupeve kriminale. Disa muaj më parë u përplas fizikisht me Noizyn në lokalin e reperit në Durrës duke thyer masën e sigurisë ‘arrest shtëpie’.