Kush është deputeti i PS-së Bujar Çela që mbeti i plagosur në shpërthimin në Lushnje

Deputeti i Partisë Socialiste, Bujar Çela ka mbetur i plagosur mesditën e sotme në Lushnjë pas një shpërthimi në një magazinë ndërtimi.

Deputeti socialist i cili ndodhet në spital ku po i nënshtrohet një ndërhyrje kirurgjikale pasi gjendja e tij raportohet e rëndë pranë magazinës ku ka ndodhur shpërthimi.

Bujar Çela është deputet i qytetit të Lushnjës prej dy mandatesh, i dalë nga listat shumëmërore të Partisë Socialiste.

Në CV-në e tij deputeti socialist ka shënuar dy Universitete, ku në 1984 ka përfunduar Universitetin e Lartë Bujqësor të Tiranës, Fakulteti i Veterinarisë, dega Zooteknikë dhe në 2009 Universitetin “Aleksandër Xhuvani”, dega Filozofi-Sociologji dhe në 2013 Universitetin “Aleksandër Xhuvani” dega Psikologji në Institucione.

Sa i përket karrierës së tij politike, Bujar Çela ka qenë anëtar i PS-së që nga kongresi i saj i parë në vitin 1991, ndërkohë që në periudhën 2002-2006 ka qenë Sekretar Organizativ të Rrethit Lushnjë. Në vitin 2012 ai u zgjodh Kryetari i PS-së së Rrethit Lushnjë.