Kronike
Kush është Shevali 007, në kërkim për trafik droge dhe vrasje! Foto me Ilir Metën Bes Kallakun, “Bolin” e deri te “Sidi” i ekzekutuar në Greqi
![](https://ntv.al/wp-content/uploads/2024/06/oooooo.jpg)
Në rrjet njihet si Shevali 007, dhe midis të rinjve ka krijuar një lloj emri, kryesisht te ata të cilët tërhiqen nga historitë e vrasjeve, trafiqet e drogës dhe jeta luksoze.
Bëhet fjalë për Sheval Muaremin, i cili është shpallur në kërkim nga Maqedonia e Veritu, me akuzën se është pjesë e një grupi kriminal që merret me trafikun e kokainës dhe të përfshirë në vepra të tjera të rënda si vrasje.
Emri i Shevalit është përfolur edhe për vrasjen e Shyqyri Beut, i njohur si “Riku Beu” nga Kavaja, i cili u gjet i pajetë i groposur në vitin 2020 në Maqedoninë e Veriut, vend ku dyshohet se kishte nisur të kryente trafikun e drogës.
Disa nga vrajset janë zbuluar pas çkodimit të mesazheve në telefonat e “SKY ECC” nga autoritetet në Maqedoninë e Veriut.
Shevali, si shumë kriminelë të tjerë shqiptarë fshihet në “parajsën” e Lindjes së Mesme, Dubai.
Ai nuk ngurron të reklamojë jetën e luksit me makina të shtrenjta, ora që thonë se shkojnë deri në 5 milionë euro por edhe shoqërinë me figura të shoëbizit, politikës dhe kolegë të botës së krimit.
Shevali është parë në shoqërinë e Bes Kallakut, ish-presidentit Ilir Meta dhe trafikantit të kokainës i njohur si “boli”, Ervin Mata.
Personalitete të politikës nga Maqedonia e Veriut deri në Kosovë gjithashtu janë pjesë fotoalbumeve të Shevalit. Shevali shfaqet në Dubai edhe krah Roan Brahimit, i njohur si Sidi, i cili fshihej në Dubai dhe u ekzekutua vetëm pak kohë më parë në Greqi.
Duke marrë parasysh shoqërinë e Shevalit, ai mund të konsiderohet si pjesë e grupeve rivale të Ervis Martinajt.
Marre nga Gazeta Tema
![](https://i0.wp.com/media.gazetatema.net/gazetatema.net/media3/-0-500-1717830822xsheval1-186.jpg?w=740&ssl=1)
![](https://i0.wp.com/media.gazetatema.net/gazetatema.net/media3/-0-500-1717830822xsheval-281.jpg?w=740&ssl=1)
![](https://i0.wp.com/media.gazetatema.net/gazetatema.net/media3/-0-500-8a50e6cc0a8ff8e5c9a2e05b869b17e9.jpg?w=740&ssl=1)
![](https://ntv.al/wp-content/uploads/2022/08/LogoWeb.2-e1644580268739.png)
![](https://ntv.al/wp-content/uploads/2023/12/OledroHot.gif)